വർക്കല: വീട്ടുകാരെ ഉപേക്ഷിച്ച് കൂടെ കൂടിയ കാമുകൻ 53 കാരിയുടെ മുഖം അടിച്ചു പരത്തി. വർക്കലയിലാണ് ക്രൂരമായ സംഭവം നടന്നത്. നെല്ലേറ്റുമുക്കിൽ തട്ടാന്റഴികത്ത് സുഭാഷ് (38) കേസിൽ അറസ്റ്റിലായിട്ടുണ്ട്. ഇലകമണ് പഞ്ചായത്തിലെ ഹരിഹരപുരം തോണിപ്പാറ കുടുംബാരോഗ്യ കേന്ദ്രത്തിന് സമീപം വാടക വീട്ടില് താമസിക്കുന്ന ലതിക(53) എന്ന സ്ത്രീക്കാണ് ആക്രമണത്തില് ഗുരുതരമായി പരുക്കേറ്റത്.
വീട്ടുകാരുമായി അകന്നു കഴിഞ്ഞിരുന്ന സുഭാഷ് മാസങ്ങളായി ലതിക്കൊപ്പമായിരുന്നു താമസം. മദ്യപാന ശീലമുള്ള ഇയാൾ ലതികയെ ഉപദ്രവിക്കുന്നതും പതിവായിരുന്നു. കഴിഞ്ഞ ദിവസം മദ്യപിച്ചെത്തിയ ഇയാൾ ലതികയുടെ തല പിടിച്ച് ചുവരില് ഇടിച്ച ശേഷം മുഖത്തും ഇടിച്ച് മാരകമായി മുറിവേല്പിക്കുകയായിരുന്നു.
ഗുരുതരമായ പരുക്കേറ്റ ഇവര് ഭയം കാരണം വീടിനു പുറത്ത് ഇറങ്ങിയില്ല. ഒടുവില് ഞായറാഴ്ച നാട്ടുകാര് ഇടപെട്ടാണ് സംഭവം അയിരൂര് പൊലീസില് അറിയിച്ചത്. പൊലീസെത്തി സുഭാഷിനെ പിടികൂടി.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: