ന്യൂഡൽഹി: രാജ്യത്ത് വീണ്ടും കോവിഡ് കേസുകൾ കുതിച്ചുയർന്നു. ഇന്ന് 24 മണിക്കൂറിനിടെ 3,79,257 പേർക്കാണ് പുതുതായി രോഗം കണ്ടെത്തിയത്. രാജ്യത്തെ ഏറ്റവും ഉയർന്ന കണക്കാണിത്. ഇതോടെ രാജ്യത്ത് ആകെ രോഗം സ്ഥിരീകരിച്ചവരുടെ എണ്ണം 1,83,76,524 ആയി. കഴിഞ്ഞ 24 മണിക്കൂറിനിടെ 3,645 പേർ കൂടി കോവിഡ് ബാധയെ തുടർന്ന് മരിച്ചതോടെ ആകെ മരണ സംഖ്യാ 2,04,832 ആയി. നിലവിൽ 30,84,814 സജീവ കേസുകളാണ് രാജ്യത്തുള്ളത്.
ഇതുവരെ 1,50,86,878 പേരാണ് ഇതുവരെ രോഗമുക്തി നേടിയിട്ടുള്ളത്. 15,00,20,648 പേരാണ് ഇതുവരെ കോവിഡ് പ്രതിരോധ വാക്സിൻ സ്വീകരിച്ചിട്ടുള്ളത്. രാജ്യത്തെ പ്രതിദിന കോവിഡ് രോഗികളുടെ എണ്ണം മൂന്ന് ലക്ഷം കവിയാണ് തുടങ്ങിയിട്ട് ഒരാഴ്ച്ചയിൽ അധികമായി.
ഏപ്രിൽ 15 മുതൽ പ്രതിദിന കോവിഡ് കേസുകളുടെ എണ്ണം രണ്ടു ലക്ഷത്തിൽ അധികമായിരുന്നു. മെഡിക്കൽ ഓക്സിജൻ, ആശുപത്രിക്കിടക്കകൾ, ആവശ്യ മരുന്നുകൾ തുടങ്ങിയവയുടെ ദൗർലഭ്യം കോവിഡ് പ്രതിരോധത്തിൽ വൻ വെല്ലുവിളിയാണ് സൃഷ്ടിക്കുന്നത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: