മഞ്ഞിൻ കണങ്ങൾ കൊണ്ട് തൂവെള്ള നിറത്തിലായ തടാകങ്ങൾ കാശ്‌മീർ താഴ്‌വരയിലെ മനോഹര കാഴ്ച്ചകളാണ്. എന്നാൽ മഞ്ഞും മഴയുമൊന്നുമില്ലാതെ വെള്ളത്തിന് തൂവെള്ള നിറം വന്നാലോ. അത്തരം ഒരു കാഴ്ച്ചയാണ് ഇപ്പോൾ വെയിൽസിൽ നിന്നും പുറത്തു വരുന്നത്. ഇവിടെ ഒരു നദി പൊടുന്നനെ വെള്ള നിറത്തിലേക്ക് മാറിയതാണ് സംഭവം.
സംഭവം കണ്ടവർ എല്ലാം ആദ്യം ഒന്ന് അമ്പരന്നു. നദിയിലെ വെള്ളത്തിന് പൊടുന്നനെ എങ്ങനെയാണ് നിറം മാറിയതെന്നായി അന്വേഷണം. വെയ്ൽസിലെ കർമാർതെൻഷെയറിയാണ് അവിശ്വസനീയമായ ഈ സംഭവം അരങ്ങേറിയത്.
ഏപ്രിൽ 14ന് ലാൻവെർദ എന്ന സ്ഥലത്താണ് ദുലൈസ് നദി വെള്ള നിറമായി മാറിയത്. സംഭവം പ്രകൃതിയുടെ പ്രതിഭാസമാണെന്ന് ആദ്യം കരുതിയെങ്കിലും വളരെ വേഗം സംഭവത്തിന്‍റെ ചുരുൾ അഴിഞ്ഞു. പ്രദേശത്തേക്ക് പാൽ കൊണ്ടുപോയ ഒരു ട്രക്ക് നദിയിലേക്ക് മറിഞ്ഞതായിരുന്നു സംഭവം.
പരിസര പ്രദേശങ്ങളിൽ പാൽ വിതരണം നടത്തിയിരുന്ന ആർ ടി സിയുടെ ട്രക്ക് അപകടത്തിൽപ്പെടുകയും വാഹനത്തിന്‍റെ കണ്ടയ്നറിൽ സൂക്ഷിച്ചിരുന്ന പാൽ നദിയിലേക്ക് ഒഴുകുകയുമായിരുന്നു. യുകെയിലെ പ്രമുഖ പത്രമായ ഇൻഡിപെൻഡന്‍റ് റിപ്പോർട്ട് ചെയ്ത വിവരം അനുസരിച്ച് വെയ്ൽസിലെ ഈ നദിയിലേക്ക് നിരവധി ഗാലോൺ പാലാണ് ഒഴുകിയത്. സംഭവത്തെ തുടർന്ന് എമർജൻസി സർവ്വീസ് പ്രതിനിധികളും സ്ഥലത്തെത്തിയിരുന്നു.
വെള്ള നിറത്തിലുള്ള നദിയുടെ ചിത്രം ഒരു ട്വിറ്റർ ഉപയോക്താവ് പങ്കുവെച്ചിട്ടുണ്ട്. കേവലം ആറ് സെക്കൻഡ് മാത്രം ദൈർഘ്യമുള്ള വീഡിയോ ഒരു പാലത്തിന്‍റെ മുകളിൽ നിന്നാണ് പകർത്തിയിരിക്കുന്നത്. വലിയ അളവിലുള്ള വെള്ളം പുഴയിലേക്ക് ഒരുകുന്ന ദൃശ്യങ്ങളാണ് സമൂഹമാധ്യമത്തിൽ പങ്ക് വെച്ചിരിക്കുന്നത്. ചുരുങ്ങിയത് 15,000 ലിറ്റർ പാലെങ്കിലും പുഴയിലേക്ക് ഒഴികിയിട്ടുണ്ടാവും എന്നാണ് കണക്ക് കൂട്ടുന്നത്. When a milk tanker overturns in the river #llanwrda #wales #milk pic.twitter.com/vnyhr5FXBi
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: