കൊച്ചി: മലയാളികളുടെ ഇഷ്‌ട നടിയാണ് സാനിയ ഇയ്യപ്പൻ. ചുരുങ്ങിയ സമയം കൊണ്ട് ഒട്ടേറെ മികച്ച വേഷങ്ങൾ അവതരിപ്പിച്ച താരം ഇപ്പോൾ സൈമ അവാര്‍ഡ്‌സിൽ പുരസ്‌കാരം ലഭിച്ച സന്തോഷത്തിലാണ്. ഇതിന്‍റെ സന്തോഷത്തിൽ താരം ഇൻസ്റ്റഗ്രാമിൽ പങ്കുവച്ച ഒരു ഡാൻസ് വീഡിയോ ഇപ്പോൾ ശ്രദ്ധ നേടുകയാണ്.
നിരവധി പേരാണ് വീഡിയോയിൽ കമന്‍റും ലൈക്കുകളുമായി എത്തിയത്. 2014ല്‍ പുറത്തിറങ്ങിയ മമ്മൂട്ടിച്ചിത്രം ബാല്യകാല സഖിയില്‍ബാലതാരമായാണ് സാനിയ സിനിമയില്‍ അരങ്ങേറുന്നത്. തുടര്‍ന്ന് ക്വീന്‍ എന്ന ചിത്രത്തിലൂടെ നായികയുമായി. ഡാന്‍സ് റിയാലിറ്റി ഷോയിലൂടെ കടന്ന് വന്നതിന് ശേഷമാണ് സാനിയ സിനിമയിലേക്ക് പ്രവേശിച്ചത്.
ഫാഷന്‍ രംഗത്തും തന്‍റേതായ ഒരു ഇരിപ്പിടം താരം നേടിയെടുത്തിട്ടുണ്ട്. അഭിനയത്തിനും മോഡലിംഗിനും ഒപ്പം ഫിറ്റ്നസിന്‍റെ കാര്യത്തിലും ഏറെ ശ്രദ്ധ പുലര്‍ത്തുന്ന സാനിയ ജിമ്മിലെ വര്‍ക്ക്ഔട്ട് സെക്ഷനുകള്‍ മുടക്കാറില്ല. പ്രേതം 2, ലൂസിഫര്‍, കൃഷ്ണന്‍കുട്ടി പണി തുടങ്ങി, ദി പ്രീസ്റ്റ് തുടങ്ങിയ ചിത്രങ്ങളിലും സാനിയ അഭിനയിച്ചിട്ടുണ്ട്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/HN3zUlGc2Va9613524dFBp
ബംഗളൂരിനെ ഞെട്ടിച്ച് വീണ്ടും പീഡനം; യുവതിയെ ടാക്‌സി ഡ്രൈവർ പീഡിപ്പിച്ച് വഴിയിൽ ഉപേക്ഷിച്ചു
ബംഗളൂരു: നഗരത്തിൽ വീണ്ടും യുവതിയെ ക്രൂരമായി പീഡിപ്പിച്ചു വഴിയിൽ ഉപേക്ഷിച്ചു. ബംഗളൂരു ഇലക്‌ട്രിക് സിറ്റിക്ക് സമീപമാണ് സംഭവം. ടാക്‌സിയിൽ രാത്രി വീട്ടിലേക്ക് മടങ്ങിയ യുവതിയെ ഡ്രൈവർ ക്രൂരമായി പീഡിപ്പിച്ച ശേഷം വഴിയിൽ ഉപേക്ഷിക്കുകയായിരുന്നു. കുറച്ച് സമയം മുൻപാണ് അക്രമത്തിന് ഇരയായ യുവതി പൊലീസിനെ സമീപിച്ച് പരാതി നൽകിയത്. രാത്രി വഴിയിരികിൽ മണിക്കൂറുകളോളം കഴിയേണ്ടി വന്നുവെന്നും യുവതി പറഞ്ഞു.
ഹൊസൂർ പൊലീസിലാണ് പരാതി നൽകിയിരിക്കുന്നത്. ഇവിടെ ഒരു ഐടി കമ്പനിയിലെ ജീവനക്കാരിയാണ് യുവതി. ഇന്നലെ പാർട്ടി കഴിഞ്ഞ് രാത്രി വീട്ടിലേക്ക് മടങ്ങുമ്പോഴായിരുന്നു സംഭവം. വഴിയരികിൽ നിന്ന് പലരോടും സഹായം തേടിയെങ്കിലും ആരും സഹായിച്ചില്ല. പിന്നീട് സ്ത്രീ സുരക്ഷാ നമ്പറുകളിൽ ബന്ധപ്പെട്ടുവെന്നും എന്നാൽ സേവനം ലഭിച്ചില്ലെന്നും യുവതി ആരോപിക്കുന്നു. പ്രതിക്കെതിരെ പൊലീസ് കേസെടുത്തിട്ടുണ്ട്.
Post A Comment: