കൊഹിമ: സൈന്യത്തിന്റെ വെടിയേറ്റ് 13 ഗ്രാമവാസികൾ കൊല്ലപ്പെട്ട സംഭവത്തിൽ സ്വമേധയാ കേസെടുത്ത് നാഗാലാൻഡ് പൊലീസ്. പ്രകോപനമില്ലാതെയാണ് സൈന്യം വെടി ഉതിർത്തതെന്ന് എഫ്.ഐ.ആർ വ്യക്തമാക്കുന്നു. സൈന്യത്തിന്റെ 21-ാം സ്പെഷ്യൽ പാരാഫോഴ്സിലെ സൈനികർക്കെതിരെയാണ് കേസെടുത്തിരിക്കുന്നത്.
ഇതിനിടെ നാഗാലാന്ഡില് വെടിവെയ്പ്പിനെ തുടര്ന്നുണ്ടായ സംഘര്ഷം രൂക്ഷമാകുകയാണ്. മോണ് ജില്ലയില് സുരക്ഷ ശക്തമാക്കി. ഈ പ്രദേശത്ത് 144 പ്രഖ്യാപിച്ചിട്ടുണ്ട്. 13 ഗ്രാമീണര് കൊല്ലപ്പെട്ടതിന് പിന്നാലെ ഇന്നലെ നടന്ന സംഘര്ഷത്തില് രണ്ട് പേര് കൂടി മരിച്ചു.
ഇതോടെ മരിച്ച ഗ്രാമീണരുടെ എണ്ണം 15- ആയി. ഒരു ജവാനും കൊല്ലപ്പെട്ടിരുന്നു. ശനിയാഴ്ച്ച രാത്രിയാണ് വിഘടനവാദികള് എന്ന് തെറ്റിദ്ധരിച്ച് ഖനി തൊഴിലാളികളായ ഗ്രാമീണരെ സുരക്ഷാ സേന വെടിവെച്ച് കൊന്നത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GTdWYfjzEq4JYKBtby408a
Post A Comment: