മാങ്ങായിട്ട നല്ല പാലക്കാടൻ അയലക്കറി തയാറാക്കാം

• അയല - 6 എണ്ണം 
• മാങ്ങാ - 1 എണ്ണം (നീളനെ അരിഞ്ഞത്) 
• സവോള - 1 എണ്ണം (നീളനെ അരിഞ്ഞത്) 
• പച്ചമുളക് - 2 എണ്ണം (നീളനെ അരിഞ്ഞത്)
• ഇഞ്ചി - 1 ടീസ്‌പൂൺ
• വെളുത്തുള്ളി - 1 ടീസ്‌പൂൺ
• കറിവേപ്പില - ആവശ്യത്തിന് 
• വാളൻപുളി - 1 കപ്പ് 
• തേങ്ങാ - 1 കപ്പ് 
• തക്കാളി - 1 എണ്ണം (നീളനെ അരിഞ്ഞത്) 
• മുളക്പൊടി - 1 ടീസ്‌പൂൺ
• മഞ്ഞൾപൊടി - 1/4 ടീസ്‌പൂൺ
• മല്ലിപൊടി - 1 ടീസ്‌പൂൺ
• ഫിഷ്‌ക്കറി മസാല - 1 ടീസ്‌പൂൺ
• ഉപ്പ് - ആവശ്യത്തിന് 
• കടുക് - 1 ടീസ്‌പൂൺ
• വെളിച്ചെണ്ണ - 3 ടീസ്‌പൂൺ 
• ഉലുവ പൊടിച്ചത് - ഒരു നുള്ള്  

തയാറാക്കുന്ന വിധം

മീൻ ഉപ്പും, മഞ്ഞൾപൊടിയും ഇട്ട് നന്നായി കഴുകി മാറ്റി വയ്ക്കുക. തുടർന്ന് ചീനച്ചട്ടിൽ വെളിച്ചെണ്ണ ഒഴിച്ചതിന് ശേഷം കടുക് പൊട്ടിക്കാം. അതിലേക്ക് സവോള, പച്ചമുളക്, ഇഞ്ചി, വെളുത്തുള്ളി, തക്കാളി എന്നിവ ഓരോന്നായി ഇട്ട് നന്നായി വഴറ്റി കൊടുക്കാം. ഇതിലേക്ക് മുളക്പൊടി, മഞ്ഞൾപൊടി, മല്ലിപൊടി, ഫിഷ്‌ക്കറി മസാല, ഉപ്പ്, ഉലുവ പൊടിച്ചത് എന്നിവയും ഇട്ട് വഴറ്റി കൊടുക്കാം. 

ഇതിന്‍റെ കൂടെ നന്നായി അരച്ച് വച്ചിരിക്കുന്ന തേങ്ങായും ഇട്ട് കൊടുക്കാം. പച്ചമണം പോകുന്നതു വരെ ചെറിയ തീയിൽ വച്ച് വഴറ്റി കൊടുക്കാം. ഇതിലേക്ക് പുളിവെള്ളവും ഒഴിച്ച് കൊടുക്കാം. അതിന്റെ കൂടെ ആവശ്യത്തിന് വെള്ളവും ചേർത്ത് കൊടുക്കാം.

ഒന്ന് തിളച്ച ശേഷം അതിലേക്ക് മീനും മാങ്ങയും ഇട്ട് കൊടുത്ത് അടച്ചു വച്ച് വേവിക്കാം. അവസാനമായി ആവശ്യമുള്ള കറിവേപ്പിലയും അൽപം വെളിച്ചെണ്ണയും ചേർത്ത് കൊടുക്കാം. ഇപ്പോൾ രുചികരമായ മാങ്ങായിട്ട പാലക്കാടൻ മീൻ കറി തയ്യാർ. 

വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ....

https://chat.whatsapp.com/L67XbjS4vdxJpqM0Dz7ehJ