വ്യത്യസ്തമായ ഒരു വിവാഹ പരസ്യമാണ് ഇപ്പോൾ സൈബർ ലോകത്ത് പ്രധാന ചർച്ചാ വിഷയം. ഭാവി വധു എങ്ങനെയായിരിക്കണമെന്ന പതിവ് നിർദേശങ്ങളല്ല യുവാവ് പരസ്യത്തിൽ പങ്കുവച്ചിരിക്കുന്നത്. പങ്കാളിക്ക് വേണ്ട ശാരീരിക സവിശേഷതകളെ കുറിച്ചാണ് യുവാവ് പരസ്യത്തിൽ വിവരിച്ചിരിക്കുന്നത്.
ഭാവി വധുവിന്റെ അരക്കെട്ടിനും മാറിടത്തിനും വേണ്ട അളവുകൾ എല്ലാം യുവാവ് കൃത്യമായി രേഖപ്പെടുത്തുന്നു. 6-7 അടിയായിരിക്കണം പങ്കാളിയുടെ ഉയരം. മാറിടത്തിന്റെ അളവ് 32b അല്ലെങ്കിൽ 32c. അരക്കെട്ട് 12-16. ഇത് മാത്രമല്ല, തികച്ചും വ്യത്യസ്തമായ മറ്റു ചില ഡിമാന്റുകളും യുവാവ് മുന്നോട്ട് വയ്ക്കുന്നുണ്ട്.
ഒരേ സമയം യാഥാസ്ഥിതികയും സ്വാതന്ത്രചിന്താഗതിക്കാരിയും ആയിരിക്കണം. കുട്ടികൾ ഉള്ള സ്ത്രീ ആകരുത്. 18 നും 26 നും ഇടയിൽ പ്രായമുള്ളവളും ആയിരിക്കണം. നായ്ക്കളെ സ്നേഹിക്കുന്നവളാകണം. ഇങ്ങനെ പോകുന്നു ഭാവി വധുവിനെ കുറിച്ചുള്ള യുവാവിന്റെ ഡിമാന്റുകൾ. കഴിഞ്ഞ ആഴ്ച്ചയാണ് സമൂഹ മാധ്യമമായ റെഡിറ്റിലൂടെ ഈ വിവാദ വിവാഹ പരസ്യം പ്രചരിച്ചത്.
പിന്നാലെ പരസ്യത്തിനെതിരെ രൂക്ഷമായ വിമർശനങ്ങളും എത്തി. പലരും രോഷത്തോടെയാണ് പ്രതികരിച്ചത്. സത്യത്തിൽ ഇയാൾക്ക് ഒരു സ്ത്രീയെ തന്നെയാണോ വേണ്ടത്. ഇയാൾ ഒരു പങ്കാളിയെ അർഹിക്കുന്നില്ല എന്നിങ്ങനെ പോകുന്നു വിവാഹ പരസ്യത്തിന് താഴെയുള്ള കമന്റുകൾ. അതേസമയം യുവാവിനെതിരെ നടപടിക്ക് ശുപാർശ ചെയ്തിട്ടുണ്ടെന്നാണ് റിപ്പോർട്ട്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ....
Post A Comment: