ബ്യൂട്ടി പാർലറിൽ പോകാതെ തന്നെ പാദങ്ങൾ സുന്ദരമാക്കാം

മനോഹരമായ കാൽപാദങ്ങൾ ഏവരുടെയും ആഗ്രഹമാണ്. പെഡിക്യൂറും മാനിക്യൂറും ചെയ്‌ത് പാദങ്ങളെ സുന്ദരമാക്കുന്നവരാണ് പലരും. എന്നാൽ കോവിഡ് കാലത്ത് പലർക്കും ബ്യൂട്ടി പാർലറുകളിൽ പോകാൻ സാധിക്കാറില്ല. ഇതോടെ പാദങ്ങളുടെ സംരക്ഷണം കുഴപ്പത്തിലാകുകയും ചെയ്യുന്നു. എന്നാൽ വീടുകളിൽ തന്നെ പാദ സംരക്ഷണം നടത്താനാകും. ഇത് എന്തൊക്കെയാണെന്ന് നോക്കാം. 

ചൂടുവെള്ളത്തിലും തണുത്തവെള്ളത്തിലും കാൽപാദങ്ങൾ മാറി മാറി മുക്കിവയ്ക്കുന്നത് പാദങ്ങളുടെ സൗന്ദര്യം വർധിപ്പിക്കുന്നതിന് സഹായകമാണ്. വെള്ളത്തിൽ നിന്നും പുറത്തെടുത്ത ശേഷം അൽപം എണ്ണകൊണ്ട് കാൽപാദങ്ങൾ മസാജ് ചെയ്യുക.  

ഇത് പാദങ്ങൾ കൂടുതൽ മൃദുലമാകാൻ സഹായിക്കും. പുറത്തു നിന്ന് വരുമ്പോഴെല്ലാം പാദങ്ങൾ നന്നായി കഴുകുക. പ്യുമിക് സ്റ്റോൺ കൊണ്ട് ഉറച്ചു കഴുകുന്നത് പാദത്തിലെ മൃതകോശങ്ങൾ പോയി കാൽ സുന്ദരമാക്കാൻ സഹായിക്കും. ശേഷം ഒരു മോയ്‌സ്‌ചറൈസർ പുരട്ടി സോക്‌സ് ധരിച്ചു ഉറങ്ങുക. 

നനഞ്ഞ കാലുകളിൽ ഒരിക്കലും ഷൂ ധരിക്കരുത്. ഇത് ഫംഗൽ ഇൻഫെക്ഷൻ ഉണ്ടാക്കാൻ കാരണമാകും.അതിനാൽ നനഞ്ഞ ചെരിപ്പുകൾ ഉണക്കി സൂക്ഷിക്കുക. ആഴ്ച്ചയിൽ ഒരിക്കൽ ചെറു ചൂടുവെള്ളത്തിൽ അൽപം ഷാംപൂവും നാരങ്ങ നീരും ചേർത്ത് അതിൽ 15 മിനിറ്റ് കാൽ മുക്കി വയ്ക്കുന്നതിനൊപ്പം നഖങ്ങൾ ഒരു പഴയ ടൂത്ത് ബ്രഷ് കൊണ്ട് വൃത്തിയാക്കാം. 

ആഴ്ച്ചയിൽ രണ്ടു തവണ ഇത് ചെയ്യാം. റോസ് വാട്ടർ, ഗ്ലിസറിൻ എന്നിവയുടെ മിശ്രിതം ദിവസവും പാദങ്ങൾ പുരട്ടുക. ഇത് പാദങ്ങളുടെ വരൾച്ച ശ്രമിപ്പിക്കുകയും വേഗത്തിൽ സുഖപ്പെടുത്തുകയും ചെയ്യുന്നു. 

വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ....

https://chat.whatsapp.com/L67XbjS4vdxJpqM0Dz7ehJ