കാലിഫോർണിയ: നായ കടിച്ചെടുത്ത മേൽചുണ്ട് പൂർവ സ്ഥിതിയിലാക്കാൻ മോഡൽ ചിലവഴിച്ചത് 2.9 കോടി രൂപ. അമേരിക്കയിലാണ് സംഭവം. കാലിഫോർണിയ സ്വദേശിയായ മോഡൽ 22 കാരി ബ്രുക്ലിൻ കൗഹ്റിനാണ് 40,0000 ഡോളർ (ഏകദേശം 2.9 കോടി ഇന്ത്യൻ രൂപ) ചിലവായത്.
2020 ൽ പിറ്റ്ബുൾ ഇനത്തിൽപ്പെട്ട നായയുടെ ആക്രമണത്തിലാണ് ബ്രൂക്ലിന് മേൽചുണ്ട് നഷ്ടമായത്. മേൽച്ചുണ്ടിനൊപ്പം മൂക്കിന്റെ അടിഭാഗവും അടർന്നു പോയി. തുടർന്ന് സ്കിൻ ഗ്രാഫ്റ്റിങ് അടക്കമുള്ള ശസ്ത്രക്രിയകളാണ് വേണ്ടി വന്നത്.
മോഡലും സമൂഹ മാധ്യമ ഇൻഫ്ലുവൻസറായും കരിയറിൽ മുന്നേറുന്ന സമയമായിരുന്നു അത്. ഒരു പരസ്യത്തിൽ അഭിനയിച്ചു. സിനിമയിലും അവസരങ്ങൾ തേടിയിരുന്നു. ഇത്തരമൊരു സാഹചര്യത്തിലാണ് ജീവിതം മാറി മറിഞ്ഞ സംഭവം. ആരിസോണയിലെ ബന്ധു വീട്ടിൽ സന്ദർശനത്തിന് എത്തിയതായിരുന്നു ബ്രൂക്ലിൻ.
അവിടുത്തെ വളർത്തു നായയാണ് ആക്രമിച്ചത്. തന്നെ നോക്കി ഒരു പാവയെപോലെ തലയാട്ടി കൊണ്ടിരിക്കുകയായിരുന്നു നായെന്നും അത്തരം ഒരു സാഹചര്യത്തിൽ ആക്രമണം പ്രതീക്ഷിച്ചില്ലെന്നും യുട്യൂബിൽ പങ്കുവച്ച വിഡിയോയിൽ ബ്രൂക്ലിൻ പറയുന്നു.
സ്കിൻ ഗ്രാഫ്റ്റിങ് സർജറിയിലൂടെ തൻ്റെ പഴയ ചിരി തിരിച്ചു പിടിക്കാനുള്ള ശ്രമത്തിലാണ്. മുഖത്ത് ശസ്ത്രക്രിയ നടത്താൻ ആദ്യം ആരും തയ്യാറായില്ല. ഒരു വർഷമെടുത്താണ് അനുയോജ്യനായ ഡോക്ടറെ കണ്ടെത്തിയത്. കൈകളിൽ നിന്ന് തൊലി എടുത്താണ് വായിൽ പിടിപ്പിക്കുന്നത്. ശസ്ത്രക്രിയയ്ക്ക് ശേഷം ദീർഘകാല വിശ്രമം വേണം. വായ ചലിപ്പിക്കാനാവാത്തതിനാൽ മൂക്കിലൂടെ ട്യൂബ് ഇട്ടായിരിക്കും ഭക്ഷണം നൽകുക. എത്ര സങ്കീർണമായ ശസ്ത്രക്രിയ ചെയ്താലും ചുണ്ട് പഴയത് പോലെ ആകില്ല എന്ന വേദനയും ബ്രൂക്ലിൻ പങ്കുവച്ചു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ....
Post A Comment: