ഇടുക്കി: അയൽവാസിയുടെ വീട്ടു മുറ്റത്ത് പാർക്ക് ചെയ്‌തിരുന്ന കാറിന്‍റെ ചില്ലുകൾ അജ്ഞാതർ അടിച്ചു തകർത്തു. പാമ്പാടുംപാറ പുതുക്കാട് കോളനിയിൽ മൂർത്തിയുടെ കാറാണ് തകർക്കപ്പെട്ടത്. തോട്ടം തൊഴിലാളിയായ മൂർത്തിയുടെ വീട്ടിലേക്ക് വഴിയില്ലാത്തതിനാലാണ് കാർ അയൽവാസിയുടെ വീടിനു മുന്നിൽ പാർക്ക് ചെയ്‌തിരുന്നത്.
കഴിഞ്ഞ ദിവസം രാത്രിയിലായിരുന്നു സംഭവം. കാറിന്‍റെ പിന്‍ഭാഗത്തെ ചില്ലുകളാണ് സാമൂഹ്യവിരുദ്ധര്‍ അടിച്ചുതകര്‍ത്തത്. രാവിലെ വാഹനം എടുക്കാന്‍ മൂര്‍ത്തി എത്തിയപ്പോഴാണ് ചില്ല് തകര്‍ത്തതായി കണ്ടത്. തുടര്‍ന്ന് വണ്ടന്‍മേട് പൊലീസിനെ വിവരം അറിയിച്ചു.
പൊലീസെത്തി വിശദമായ പരിശോധനകള്‍ നടത്തി കേസെടുത്തു. പാമ്പാടുംപാറ, പുതുക്കാട് തുടങ്ങിയ സ്ഥലങ്ങളില്‍ സാമൂഹ്യവിരുദ്ധരുടെ ശല്യം രൂക്ഷമാണെന്ന് നാട്ടുകാര്‍ പറഞ്ഞു. മദ്യപസംഘങ്ങള്‍ രാത്രികാലങ്ങളില്‍ മേഖലയില്‍ വലിയ ശല്യമാണ്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GxzlorPVaw2E1igRyXe6Q3
ഇന്നും ശക്തമായ മഴ; ആറ് ജില്ലകളിൽ ഓറഞ്ച് അലർട്ട്
തിരുവനന്തപുരം: സംസ്ഥാനത്ത് ഇന്നും ശക്തമായ മഴ തുടരും. ആറ് ജില്ലകളിൽ ഓറഞ്ച് അലർട്ട് പുറപ്പെടുവിച്ചിട്ടുണ്ട്. പത്തനംതിട്ട, ഇടുക്കി, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് തീവ്ര മഴ മുന്നറിയിപ്പ് നൽകിയിരിക്കുന്നത്. തിരുവനന്തപുരം, കൊല്ലം, ആലപ്പുഴ ഒഴികെയുള്ള ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. തെക്ക് കിഴക്കൻ അറബികടലിൽ സ്ഥിതി ചെയ്യുന്ന ന്യൂനമർദ്ദത്തിന്‍റെ സ്വാധീനത്തിൽ കിഴക്കൻ കാറ്റ് ശക്തി പ്രാപിക്കുന്നതിനാലാണ് കേരളത്തിൽ തീവ്ര മഴ മുന്നറിയിപ്പ് നൽകിയിട്ടുള്ളത്.
അടുത്ത ദിവസങ്ങളിൽ വടക്ക് പടിഞ്ഞാറു ദിശയിൽ സഞ്ചാരിച്ച് കൂടുതൽ ശക്തിയാർജ്ജിക്കാൻ സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രത്തിന്‍റെ വിലയിരുത്തൽ. ഞായറാഴ്ച വരെ ഇടി മിന്നലോടു കൂടിയ മഴ തുടരും. നാളെയും ഒറ്റപ്പെട്ട അതി ശക്തമായ മഴയ്ക്ക് സാധ്യതയുണ്ട്. മത്സ്യത്തൊഴിലാളികൾ കടലിൽ പോകരുതെന്ന മുന്നറിയിപ്പും നൽകിയിട്ടുണ്ട്.
അതേസമയം മുല്ലപ്പെരിയാർ അണക്കെട്ടിൽ ഇന്ന് ജലനിരപ്പിൽ നേരിയ കുറവുണ്ടായി. ഇന്നലെ എട്ടോളം ഷട്ടറുകൾ തുറന്ന് ജലം പുറത്തേക്ക് ഒഴുക്കിയിരുന്നു. ഇന്ന് രാവിലെ ആറിന് 138.70 അടിയാണ് അണക്കെട്ടിലെ ജലനിരപ്പ്. എട്ട് ഷട്ടറുകൾ നിലവിൽ തുറന്നിട്ടുണ്ട്. പെരിയാറ്റിൽ ജലനിരപ്പ് മൂന്നടിയോളം ഉയർന്നിട്ടുണ്ട്. അണക്കെട്ടിലേക്കുള്ള നീരൊഴുക്കിലും നേരിയ കുറവുണ്ടായിട്ടുണ്ട്.
Post A Comment: