മുംബൈ: ഹിറ്റ് ബോളിവുഡ് പാട്ടുകൾക്ക് ലിപ് സിങ്ക് ചെയ്ത് ശ്രദ്ധനേടിയ ടാൻസാനിയൻ സഹോദരങ്ങളുടെ പുതിയ വീഡിയോ ശ്രദ്ധ നേടുന്നു. കിലി പോൾ, നീമ പോൾ എന്നീ സഹോദരങ്ങളാണ് സോഷ്യൽ മീഡിയയിലെ താരങ്ങൾ.
അക്ഷയ് കുമാർ-കത്രീന കൈഫ് ചിത്രം സൂര്യവംശിയിലെ പാട്ടാണ് ഇവരുടെ പുത്തൻ ഹിറ്റ്. സൂര്യവംശിയിലെ, ടിപ്പ് ടിപ്പ് ബർസ പാനി എന്ന പാട്ടിന്‍റെ റീമിക്‌സ് പതിപ്പാണ് റീലിലുള്ളത്. കത്രീന കൈഫും അക്ഷയ് കുമാറുമാണ് സിനിമയിൽ ഈ ഗാന രംഗത്തിൽ എത്തുന്നത്.
പാട്ടിന്‍റെ ഒറിജിനൽ അക്ഷയ് കുമാറും രവീണ ടണ്ടണുമാണ് അഭിനയിച്ചിരുന്നത്. ഷേർഷായിലെ രാതാൻ ലിംബിയാൻ അടക്കമുള്ള പാട്ടുകൾ കിലിയും നീമയും ചേർന്ന് ലിപ്‌സിങ്ക് ചെയ്ത് അവതരിപ്പിച്ചിട്ടുണ്ട്. താരങ്ങളടക്കം നിരവധിപേരാണ് ഇരുവർക്കും അഭിനന്ദനമറിയിച്ച് കമന്‍റുകൾ കുറിക്കുന്നത്. നടി സാറ അലി ഖാൻ അടക്കമുള്ളവരുടെ കമന്‍റുകൾ ഇവരുടെ ഇൻസ്റ്റാഗ്രാം അക്കൗണ്ടിൽ കാണാം.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ....
https://chat.whatsapp.com/FqW7VJGGtZ9IrG38Ai0WK1
മുല്ലപ്പെരിയാറിൽ ഒൻപത് ഷട്ടർ തുറന്നു
ഇടുക്കി: മുല്ലപ്പെരിയാർ അണക്കെട്ടിൽ നിന്നും രാവിലെ 7141.59 ഘനയടി വെള്ളം പുറത്തേക്കൊഴുക്കുന്നു. രാവിലെ ഏഴോടെയാണ് ഒൻപത് ഷട്ടറുകൾ 60 സെ.മീ ഉയർത്തിയത്. ബുധനാഴ്ച്ച പുലർച്ചെ അഞ്ച് വരെ ഒരു ഷട്ടർ 30 സെ.മീ ആയിരുന്നു ഉയർത്തിയിരുന്നത്.
ഈ സമയത്ത് 141.85 അടിയായിരുന്നു അണക്കെട്ടിലെ ജലനിരപ്പ്. ഇതിനു പിന്നാലെ 5.15ന് തുറന്നിരിക്കുന്ന ഒരു ഷട്ടർ കൂടാതെ നാല് ഷട്ടറുകൾ കൂടി 30 സെ.മീ ഉയർത്തി 2074.00 ഘനയടി വെള്ളം പുറത്തേക്ക് ഒഴുക്കി. ഇതിനു പിന്നാലെ ആറിന് അഞ്ച് ഷട്ടർ 60 സെമീ ഉയർത്തി. ഇതോടെ പുറത്തേക്കൊഴുക്കുന്ന ജലത്തിന്‍റെ അളവ് 3947.55 അടിയായി ഉയർന്നു. 6.45 ഓടെ രണ്ട് ഷട്ടറുകൾ കൂടി ഉയർത്തി.
ഇതിനു പിന്നാലെ ഏഴിന് രണ്ട് ഷട്ടറുകൾ കൂടി ഉയർത്തിയതോടെ ആകെ തുറന്ന ഷട്ടറുകളുടെ എണ്ണം ഒൻപതായി. ആറിനു പുറത്തു വന്ന കണക്കു പ്രകാരം 141.90 അടിയാണ് അണക്കെട്ടിലെ ജലനിരപ്പ്. കഴിഞ്ഞ ദിവസങ്ങളിൽ അണക്കെട്ടിൽ നിന്നും രാത്രിയിൽ വെള്ളം തുറന്നു വിട്ട നടപടിക്കെതിരെ രൂക്ഷമായ വിമർശനം ഉയർന്നിരുന്നു.
Post A Comment: