വേനൽകാലത്ത് ഏറെ പ്രാധാന്യമുള്ളതാണ് ചർമ സംരക്ഷണം. സൗന്ദര്യം വർധിപ്പിക്കുന്നത് മാത്രമല്ല, ശരീരത്തെ വേനൽ ചൂടിൽ നിന്നും സംരക്ഷിക്കാനും ഉരുളക്കിഴങ്ങ് പ്രധാന പങ്കു വഹിക്കുന്നുണ്ട്.
പ്രകൃതദത്തമായ ബ്ലീച്ചിങ് ഏജന്‍റായി പ്രവർത്തിക്കാനും ആന്‍റി ഓക്‌സിഡന്‍റുകളുടെ സഹായത്തോടെ ചർമത്തെ അപകടകരമായ സൂര്യരശ്‌മികളിൽ നിന്ന് സംരക്ഷിക്കാനും ഉരുളക്കിഴങ്ങിനു കഴിയും. ചർമ സംരക്ഷണത്തിന് ഉരുളകിഴങ്ങ് എങ്ങനെയാണു ഉപയോഗിക്കേണ്ടതെന്ന് നോക്കാം.
ഉരുളകിഴങ്ങ്, തേൻ: ഉരുളക്കിഴങ്ങിന്‍റെ നീര് എടുത്ത ശേഷം അതിലേക്ക് തേൻ ചേർക്കുക. ഇത് മുഖത്ത് തേച്ച ശേഷം 10 മിനിറ്റ് കഴിഞ്ഞ് കഴുകി കളയാം. ഉരുളക്കിഴങ്ങിന്‍റെ നീര് ചർമത്തിലെ ടാൻ ഒഴിവാക്കാൻ സഹായിക്കും. ആഴ്ച്ചയിൽ രണ്ടു തവണ ഇത് ആവർത്തിക്കുന്നത് മുഖം തിളങ്ങാൻ സഹായിക്കും.
ഉരുളകിഴങ്ങ്, തക്കാളി: ഉരുളക്കിഴങ്ങിന്‍റെ നീരിലേക്ക് തക്കാളി പിഴിഞ്ഞ് ചേർക്കുക. മുഖക്കുരു, മുഖത്തെ പാടുകൾ എന്നിവ മാറാൻ ഇത് ഫലപ്രദമാണ്. ആവശ്യമെങ്കിൽ ഇതിലേക്ക് അൽപം തേനും ചേർക്കാം.
ഉരുളകിഴങ്ങ്, നാരങ്ങാനീര്: ഉരുളകിഴങ്ങ് പോലെ നാരങ്ങാനീരും ചർമത്തിന്‍റെ സൗന്ദര്യം വർധിപ്പിക്കാൻ സഹായിക്കും. നാരങ്ങാനീരിൽ അടങ്ങിയിരിക്കുന്ന വിറ്റാമിൻ സി, ചർമം തിളങ്ങാൻ ഫലപ്രദമാണ്. രണ്ടു സ്‌പൂൺ നാരങ്ങാനീര് ഉരുളകിഴങ്ങ് നീരിൽ ചേർത്ത് പാക് ഉണ്ടാക്കി മുഖത്ത് പുരട്ടിയ ശേഷം 10 മിനിറ്റ് കഴിഞ്ഞ് സ്‌ക്രബ് ചെയ്‌തു കഴുകിക്കളയാം.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ....
https://chat.whatsapp.com/GTdWYfjzEq4JYKBtby408a
Post A Comment: