കൊച്ചി: സ്‌കൂൾ ബസിൽ നിന്നും എൽകെജി വിദ്യാർഥിനി പുറത്തേക്ക് തെറിച്ചു വീണു. ബസിന്‍റെ എമർജൻസി വാതിൽവഴിയാണ് കുട്ടി തെറിച്ചു റോഡിലേക്ക് വീണത്. പിന്നാലെ വന്ന ബസ് സഡൺ ബ്രേക്കിട്ടതിനാൽ വൻ ദുരന്തം വഴിമാറി.
ആലുവ വഴുങ്ങാട്ടുശേരി അൽഹിന്ദ് സ്കൂളിന്‍റെ ബസിലാണ് അപകടം ഉണ്ടായത്. ആലുവ സ്വദേശി യൂസഫിന്‍റെ മകൾ ഫൈസയാണ് അപകടത്തിൽപെട്ടത്. കുട്ടി ബസില്‍ നിന്ന് വീണത് ആദ്യം ആരും അറിഞ്ഞിരുന്നില്ല, നാട്ടുകാര്‍ ഇടപെട്ട് പിന്നാലെ വന്ന വാഹനം നിറുത്തിയത് കൊണ്ടാണ് കുട്ടി അപകടത്തില്‍ നിന്ന് രക്ഷപ്പെട്ടത്.
റോഡില്‍ വീണ് പരുക്കേറ്റ കുട്ടിയെ ആശുപത്രിയിലേക്ക് കൊണ്ടുപോയില്ലെന്ന ആരോപണവും ഉയരുന്നുണ്ട്. ഇതിനെതിരെ നിയമ നടപടിയിലേക്ക് പോകാനാണ് കുട്ടിയുടെ കുടുംബത്തിന്‍റെ തീരുമാനം. സംഭവത്തിന്‍റെ സിസിടിവി ദൃശ്യങ്ങള്‍ പുറത്ത് വന്നു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/FQzpIvEspNvGQ6pBFqkUly
Post A Comment: