മൈസൂർ: പുരുഷ സുഹൃത്തിനൊപ്പം ബൈക്കിൽ സഞ്ചരിച്ചിരുന്ന കോളെജ് വിദ്യാർഥിനിയെ കൂട്ടബലാത്സംഗത്തിനിരയായ സംഭവത്തിൽ പ്രതികൾ വീഡിയോ ചിത്രീകരിച്ചിരുന്നതായി പൊലീസ്. ഈ വീഡിയോ കാട്ടി മൂന്ന് ലക്ഷം രൂപ ആവശ്യപ്പെട്ടെന്നും പണം നല്കിയില്ലെങ്കില് വീഡിയോ വൈറലാക്കുമെന്നും പ്രതികള് പെണ്കുട്ടിയെ ഭീഷണിപ്പെടുത്തി.
മണിക്കൂറുകളോളമാണ് ആറംഗ സംഘത്തിന്റെ ക്രൂരപീഡനത്തിന് 22 കാരിയായ എംബിഎ വിദ്യാർഥിനി ഇരയായത്. സംഭവം നടന്ന് മൂന്ന് ദിവസം പിന്നിട്ടിട്ടും പൊലീസിന് പ്രതികളെ പിടികൂടാനായിട്ടില്ല. ഡിഎന്എ തെളിവുകള് ശേഖരിച്ച് പൊലീസ് അന്വേഷണം തുടങ്ങി. അതിനിടെ പ്രതികളെ പിടികൂടാനാകാത്തതിനെ തുടര്ന്ന് അന്വേഷണ സംഘത്തെ മാറ്റി. എഡിജിപി പ്രതാപ് റെഡ്ഢിക്ക് ആണ് അന്വേഷണത്തിന്റെ ചുമതല. സംഭവം നടന്ന് മൂന്ന് ദിവസമായിട്ടും പ്രതികളെ പിടികൂടാത്ത സാഹചര്യത്തിലാണ് അന്വേഷണ സംഘത്തെ സര്ക്കാര് മാറ്റിയത്.
മൈസൂരുവിലെ ചാമുണ്ഡി ഹില്സിലാണ് കോളെജ് വിദ്യാർഥിനിയെ ആറ് പേര് ചേര്ന്ന് ബലാത്സംഗം ചെയ്തത്. സുഹൃത്തിനൊപ്പം ബൈക്കില് ചാമുണ്ഡി ഹില്സ് കാണാനെത്തിയതായിരുന്നു വിദ്യാർഥിനി. ബൈക്ക് തടഞ്ഞ് നിര്ത്തിയ ശേഷം സുഹൃത്തിനെ അടിച്ചുവീഴ്ത്തി. ബലാത്സംഗം ചെയ്ത ശേഷം പെണ്കുട്ടിയെ വലിച്ചിഴച്ച് കൊണ്ടുപോയി കുറ്റിക്കാട്ടില് ഉപേക്ഷിച്ചതായാണ് പൊലീസില് നിന്ന് ലഭിച്ച വിവരം. ബോധരഹിതയായ പെണ്കുട്ടിയെയും സുഹൃത്തിനെയും പ്രദേശവാസികള് രാവിലെ ആശുപത്രിയിലെത്തിക്കുകയായിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: