വാഗമൺ: നടി ലെന ആദ്യമായി തിരക്കഥാകൃത്താകുന്ന "ഓളം' ചിത്രത്തിന്‍റെ ചിത്രീകരണം വാഗമണ്ണിൽ ആരംഭിച്ചു. നവാഗതനായ വി.എസ്. അഭിലാഷ് സംവിധാനം ചെയ്യുന്ന ചിത്രം പുനത്തിൽ പ്രൊഡക്ഷൻസിന്‍റെ ബാനറിൽ നൗഫൽ പൂനത്തിലാണ് നിർമിക്കുന്നത്. രതീഷ് ചന്ദ്ര, ഹരീഷ് ബാബു എന്നിവരാണ് സഹ നിർമാതാക്കൾ.
ഉണ്ണി മലയിലാണ് എക്സിക്യൂട്ടീവ് നിർമാണം. 23 വർഷത്തെ അഭിയന ജീവിതത്തിനു ശേഷമാണ് ലെന തിരക്കഥാ രചനയിലേക്ക് കടക്കുന്നത്. സംവിധായകൻ വി.എസ്. അഭിലാഷും ലെനയും ചേർന്നാണ് തിരക്കഥ രചിച്ചിരിക്കുന്നത്.
അർജുൻ അശോകൻ, ലെന, ബിനു പപ്പു, ഹരിശ്രീ അശോശകൻ, നോബി തോമസ്, സുരേഷ് ചന്ദ്രമേനോൻ എന്നിവരാണ് ചിത്രത്തിൽ വേഷമിടുന്നത്. സംഗീതം അരുൺ തോമസും ഛായാഗ്രഹണം അസ്‌കറും നിർവഹിച്ചിരിക്കുന്നത്. എഡിറ്റിങ് സജിത്ത് മുഹമ്മദ്, സൗണ്ട് ഡിസൈൻ രംഗനാഥ് രവി, ആർട്ട് വേലു വാഴയൂർ, മേക്കപ്പ് റഷീദ് അഹമ്മദ്.
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: