ഇടുക്കി: ആർ.ടി.പി.സി.ആർ സർട്ടിഫിക്കറ്റില്ലാതെ അതിർത്തി കടക്കാനെത്തിയ തമിഴ്നാട് തൊഴിലാളികൾ കുമളിയിൽ മണിക്കൂറുകളോളം സംഘർഷാവസ്ഥ സൃഷ്ടിച്ചു. കഴിഞ്ഞ ദിവസമാണ് അതിർത്തിയിൽ രണ്ട് ഡോസ് കോവിഡ് വാക്സിൻ എടുത്ത സർട്ടിഫിക്കറ്റിനു പുറമേ ആർ.ടി.പി.സി.ആർ നെഗറ്റീവ് സർട്ടിഫിക്കറ്റും നിർബന്ധമാക്കിയത്.
തുടർന്ന് ചൊവ്വാഴ്ച്ച രാവിലെ അതിർത്തിയിലെത്തിയ 50 ഓളം തൊഴിലാളികളാണ് അതിർത്തി കടക്കാൻ സംഘർഷാവസ്ഥ സൃഷ്ടിച്ചത്. ആർ.ടി.പി.സി.ആർ സർട്ടിഫിക്കറ്റ് വേണമെന്ന ആവശ്യം അറിഞ്ഞില്ലെന്നും ജോലി മുടക്കരുതെന്നും പറഞ്ഞായിരുന്നു സംഘർഷാവസ്ഥ. നേരത്തെ രണ്ടു ഡോസ് വാക്സിൻ എടുത്തിട്ടുള്ളവർക്ക് കേരളത്തിലേക്ക് കടക്കുന്നതിന് തടസമില്ലായിരുന്നു.
മുന്നറിയിപ്പില്ലാതെ ഇന്നലെ ആർ.ടി.പി.സി.ആർ കൂടി നിർബന്ധമാക്കിയതാണ് സംഘർഷത്തിന് വഴി തെളിച്ചത്. തൊഴിലാളികൾ ദേശിയ പാതയിൽ കുത്തിയിരുന്ന് പ്രതിഷേധിച്ചു. ഇതിനിടെ ഒരു സംഘം ബലമായി അതിർത്തി കടക്കാനും ശ്രമിച്ചു. മണിക്കൂറുകളോളം തൊഴിലാളികൾ അതിർത്തിയിൽ സംഘർഷാവസ്ഥ സൃഷ്ടിച്ചു. പിന്നീട് ഉച്ചയോടു കൂടി ആർ.ടി.പി.സി.ആർ സർട്ടിഫിക്കറ്റ് ഒഴിവാക്കി പ്രശ്നം പരിഹരിച്ചു.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: