ലോകത്തിൽ തന്നെ ഏറ്റവുമധികം പ്രചാരം നേടിയ മെസേജിങ് ആപ്ലിക്കേഷനാണ് വാട്സാപ്പ്. സന്ദേശങ്ങളും വീഡിയോകളും അതിവേഗം അയക്കാമെന്നതായിരുന്നു വാട്സാപ്പിനെ പ്രിയമാക്കിയത്. പിന്നീട് ഒട്ടേറെ അപ്ഡേഷനുകളും വാട്സാപ്പിൽ വന്നു. ഇപ്പോൾ പണം അയക്കാൻ വരെ വാട്സാപ്പ് ഉപയോഗിക്കാൻ കഴിയും.
ആദ്യകാലങ്ങളില് മൊബൈല് ഫോണില് മാത്രം ഉപയോഗിക്കാന് സാധിച്ചിരുന്ന വാട്സാപ്പ് ഇപ്പോള് ഡെസ്ക് ടോപ്പിലും ഉപയോഗിക്കാന് സാധിക്കും. ഓഡിയോകളുടെ വേഗത ത്വരിതപ്പെടുത്തല്, ഒരിക്കല് മാത്രം കാണാന് കഴിയുന്ന ഫോട്ടോകളും വീഡിയോയും അയയ്ക്കുന്നത് പോലുള്ള സവിശേഷതകള് അടുത്തയിടെയാണ് ആപ്പില് ചേര്ത്തത്.
ഇപ്പോള് വാട്സാപ്പ് വെബിലേക്ക് പുതിയ ഒരു സവിശേഷത കൂടി അവതരിപ്പിച്ചിരിക്കുകയാണ്. ഫോട്ടോ എഡിറ്റിങ് സവിശേഷതയാണ് പുതിയതതായി അവതരിപ്പിച്ചിരിക്കുന്നത്. ഡെസ്ക് ടോപ്പ് പതിപ്പിലാണ് ഈ സംവിധാനം. അയയ്ക്കുന്നതിന് മുമ്പ് ഉപയോക്താക്കള്ക്ക് എഡിറ്റു ചെയ്യാന് സൗകര്യം അനുവദിക്കുന്നു.
നേരത്തെ, ഉപയോക്താക്കള്ക്ക് അവരുടെ കമ്പ്യൂട്ടറില് നിന്നോ അല്ലങ്കില് പുറത്തു നിന്നുള്ള ഒരു എഡിറ്റിങ് പ്രോഗ്രാം ഉപയോഗിച്ചോ ചിത്രങ്ങള് എഡിറ്റുചെയ്യണമായിരുന്നു. തുടര്ന്ന് അത് സേവ് ചെയ്തതിന് ശേഷം വാട്ട്സ്ആപ്പ് വെബ് വഴി അയയ്ക്കുകയായിരുന്നു ചെയ്തു കൊണ്ടിരുന്നത്. പുതിയതായി ചേര്ത്ത ഈ സവിശേഷത വെബ് പതിപ്പിനെ മൊബൈല് പതിപ്പിനോട് കൂടുതല് സാമ്യമുള്ളതാക്കുന്നു. ഈ സവിശേഷത വളരെക്കാലമായി വാട്സാപ്പിന്റെ സ്മാര്ട്ട്ഫോണ് ആപ്ലിക്കേഷനുകളില് ലഭ്യമായിരുന്നു. ഇത് ഉപയോക്താക്കള്ക്ക് ഇനങ്ങള് അടയാളപ്പെടുത്താനും ഫില്ട്ടറുകളും എഴുത്തു ഘടകങ്ങളും ചേര്ക്കാനും അനുവദിക്കുന്നു.
വാട്സാപ്പ് വെബിലേക്ക് ഈ പുതിയ സവിശേഷത ചേര്ക്കുന്നതിലൂടെ, നിലവിലുള്ള ചിത്രത്തിന്റെ മുകളില് വരകള് വരയ്ക്കാനും സ്റ്റിക്കറുകളും ഇമോജികളും ചേര്ക്കാനും അപ്ലിക്കേഷന് ഉപയോക്താക്കളെ പ്രാപ്തമാക്കുന്നു. ചിത്രം മറ്റൊരാള്ക്ക് അയയ്ക്കുന്നതിന് മുമ്പ് ക്രോപ്പ് ചെയ്യാനോ റൊട്ടേറ്റ് ചെയ്യാനോ ഇത് ഉപയോക്താക്കൾക്ക് സൌകര്യമൊരുക്കുന്നു. ഈ ടൂളുകള് ആപ്പിന്റെ മൊബൈല് പതിപ്പുകളില് ഉപയോഗിക്കുന്ന അതേ രീതിയില് തന്നെ വെബ് പതിപ്പിലും ഉപയോഗിക്കാന് സാധിക്കുന്നു.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: