തിരുവനന്തപുരം: വിവാഹ വാർഷിക ദിനത്തിൽ ഭർത്താവിനൊപ്പം സഞ്ചരിക്കവെ ബൈക്ക് അപകടത്തിൽപെട്ട് ഭാര്യ മരിച്ചു. മംഗലപുരം വാലിക്കോണം വെയിലൂർ ചീനി വിള തൊടിയിൽ വീട്ടിൽ രാഹുലിന്‍റെ ഭാര്യ അർച്ചന (26)യാണ് മരിച്ചത്. വെള്ളിയാഴ്ച രാവിലെ പൗഡിക്കോണം റോഡിൽ തേരിവിള ജംക്ഷനു സമീപമായിരുന്നു അപകടം.
ഭർത്താവ് രാഹുലുമായി ബൈക്കിൽ ഒരു വിവാഹ ചടങ്ങിൽ പങ്കെടുക്കാൻ പോകുന്നതിനിടെ എതിരെ അമിതവേഗതയിൽ വന്ന കാറിൽ ബൈക്ക് ഇടിക്കാതിരിക്കാൻ ബ്രെക്ക് നൽകി നിർത്താൻ ശ്രമിക്കുന്നതിനിടെ തെറിച്ചു വീണ അർച്ചനയുടെ ശരീരത്തുകൂടി കാർ കയറി ഇറങ്ങുകയായിരുന്നു.
ഗുരുതരമായി പരുക്കേറ്റ അർച്ചനയെ മെഡിക്കൽ കോളെജ് ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ മരണപ്പെടുകയായിരുന്നു. മൂന്ന് വയസുകാരൻ ഋതു രാജ് മകനാണ്. സംസ്കാരം ശനിയാഴ്ച വീട്ടുവളപ്പിൽ. വിവാഹ വാർഷിക ദിനമായ ഇന്നലെ രാഹുലും ആർചനയും തങ്ങളുടെ ഫേസ്‌ബുക്കിൽ ഇതിന്‍റെ പോസ്റ്റ് ഇട്ടിരുന്നു. മണിക്കൂറുകൾ കഴിഞ്ഞാണ് അപകടം നടക്കുന്നത്.
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: