ഇടുക്കി: വണ്ടിപ്പെരിയാറ്റിൽ വീണ്ടും പ്രായപൂർത്തിയാകാത്ത പെൺകുട്ടിക്ക് പീഡനം. 16 കാരിയെ പ്രണയം നടിച്ച് പീഡിപ്പിച്ച് ഗർഭിണിയാക്കിയ സംഭവത്തിലാണ് വണ്ടിപ്പെരിയാർ കുരിശുമല പുതുവൽ മധു (22) വിനെതിരെ കേസെടുത്തത്.
ഇയാൾ ഓട്ടോറിക്ഷാ ഡ്രൈവറാണ്. പെൺകുട്ടിയുമായി അടുപ്പത്തിലായ പ്രതി കുട്ടിയെ പലതവണ പീഡനത്തിനിരയാക്കിയതായിട്ടാണ് വിവരം. പെൺകുട്ടിയുടെ വീട്ടുകാർ നൽകിയ പരാതിയിലാണ് ഇയാൾക്കെതിരെ കേസെടുത്തിരിക്കുന്നത്.
പെൺകുട്ടിയെ ചൈൽഡ് വെൽഫെയർ കമ്മിറ്റി അധികൃതർ സുരക്ഷിത സ്ഥാനത്തേക്ക് മാറ്റിയിട്ടുണ്ട്. പ്രതിയുടെ അറസ്റ്റ് ഉൾപ്പെടെയുള്ള കാര്യങ്ങൾ ഉടൻ ഉണ്ടാകുമെന്നാണ് പൊലീസ് വ്യക്തമാക്കുന്നത്.
കഴിഞ്ഞ ദിവസം വണ്ടിപ്പെരിയാറ്റിൽ എട്ട് വയസുകാരിയെ പീഡിപ്പിച്ച 50 കാരനെ അറസ്റ്റ് ചെയ്തിരുന്നു. ഏതാനും ആഴ്ച്ചകൾ മുമ്പാണ് ലയത്തിൽ പിഞ്ചു കുഞ്ഞ് പീഡനത്തിനിരയായി മരിച്ചത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/L2USinQQ81H1Nq4VBIiX94
സുഹൃത്തിന്റെ ബർത്ത് ഡേ ആഘോഷിക്കുന്നതിനിടെ യുവാവ് കെട്ടിടത്തിനു മുകളിൽ നിന്നും വീണ് മരിച്ചു
ഇടുക്കി: സുഹൃത്തിന്റെ ബർത്ത് ഡേ ആഘോഷിക്കുന്നതിനിടെ യുവാവ് കെട്ടിടത്തിനു മുകളിൽ നിന്നും വീണ് മരിച്ചു. ഇടുക്കി കട്ടപ്പനയിലാണ് സംഭവം. ലബ്ബക്കട പുളിക്കല് ജോസിന്റെ മകന് ജോബിനാ(21)ണ് മരിച്ചത്. തിങ്കളാഴ്ച്ച രാത്രി ഒൻപതോടെ കട്ടപ്പന- പുളിയൻമല റൂട്ടിൽ നിർമാണത്തിലിരുന്ന കെട്ടിടത്തിലാണ് അപകടം ഉണ്ടായത്.
ബർത്ത് ഡേ ആഘോഷത്തിനായി കല്യാണത്തണ്ടിൽ പോയി മദ്യപിച്ച എട്ടംഗ സംഘം തിരികെ കെട്ടിടത്തിലെത്തി വീണ്ടും മദ്യപിക്കുകയായിരുന്നുവെന്നാണ് ലഭിക്കുന്ന വിവരം. ഇതിനിടെയാണ് ജോബിൻ കെട്ടിടത്തിൽ നിന്നും താഴേക്ക് വീണത്.
ഫോൺ വിളിക്കുന്നതിനിടെ അബദ്ധത്തിൽ കാൽ തെറ്റി വീഴുകയായിരുന്നുവെന്നാണ് കരുതുന്നത്. സംഘത്തിലുണ്ടായിരുന്ന നാല് പേരെ പൊലീസ് കസ്റ്റഡിയിലെടുത്തിട്ടുണ്ട്. മരണത്തിൽ മറ്റെന്തെങ്കിലും ദുരൂഹതയുണ്ടോയെന്നും പൊലീസ് അന്വേഷിച്ചു വരികയാണ്. മൃതദേഹം പോസ്റ്റ് മോർട്ടത്തിനായി മാറ്റിയിട്ടുണ്ട്.
Post A Comment: