കൊച്ചി: കോൺഗ്രസ് സമരത്തിനെതിരെ രൂക്ഷ പ്രതികരണം നടത്തിയതിനു പിന്നാലെ നടൻ ജോജു ജോർജിനെതിരെ മോട്ടോർ വാഹന വകുപ്പിനു പരാതി. ആഡംബര വാഹനത്തിനു അനധികൃതമായി നമ്പർ പ്ലേറ്റ് ഘടിപ്പിച്ചെന്നാണ് പരാതിയിലെ ആരോപണം.
ജോജുവിന്‍റെ ഉടമസ്ഥതയിലുള്ള കെ.എസ്. 64 കെ. 0005 നമ്പറിലുള്ള ലാൻഡ് റോവർ ഡിഫൻഡറിൽ കമ്പനി നൽകിയ നമ്പർ പ്ലേറ്റിനു പകരം ഏക നമ്പർ പ്ലേറ്റ് ഘടിപ്പിച്ചെന്നാണ് പരാതിയിൽ ആരോപിക്കുന്നത്. പൊതുപ്രവർത്തകൻ മനാഫ് പുതുവായിലാണ് പരാതി നൽകിയിരിക്കുന്നത്.
ജോജുവിന്‍റെ ഹരിയാന രജിസ്ട്രേഷനിലുള്ള ബിഎംഡബ്ലിയു കാർ രജിസ്ട്രേഷൻ മാറ്റാതെ വർഷങ്ങളായി കേരളത്തിൽ ഓടുന്നതിനെതിരെയും പരാതി ലഭിച്ചിട്ടുണ്ട്. അതേസമയം ജോജുവിന്‍റെ കാർ തല്ലിപൊളിച്ച കേസിൽ അറസ്റ്റിലായ കോൺഗ്രസ് പ്രവർത്തകൻ ജോസഫിനെ റിമാൻഡ് ചെയ്‌തു.
Post A Comment: