കുളികഴിഞ്ഞ് തോർത്താൻ ടവ്വൽ കൊടുത്തില്ല; ഭർത്താവ് ഭാര്യയെ അടിച്ചുകൊന്നു

ഭോപ്പാൽ: കുളികഴിഞ്ഞ് തോർത്താൻ ടവൽ എടുത്തു തരാതിരുന്ന ഭാര്യയെ ഭർത്താവ് അടിച്ചുകൊന്നു. മധ്യപ്രദേശിലെ ബാലഘട്ട് ജില്ലയിലെ ഹിരാപൂരിലാണ് ദാരുണമായ സംഭവം നടന്നത്. വനംവകുപ്പ് ജീവനക്കാരൻ രാജ്കുമാർ ബഹെ(50)യാണ് ഭാര്യ പുഷ്‌പാഭായിയെ (45) കൊലപ്പെടുത്തിയത്. ശനിയാഴ്ച്ചയായിരുന്നു സംഭവം. 

ജോലി കഴിഞ്ഞെത്തിയ ഇയാൾ കുളിമുറിയിൽ കുളിക്കുകയായിരുന്നു. കുളി കഴിഞ്ഞപ്പോഴാണ് ടവ്വൽ എടുക്കാൻ മറന്നത് ഓർമവന്നത്. ഇതോടെ ഭാര്യയെ വിളിച്ച് ടവൽ എടുത്തുകൊണ്ടുവരാൻ ആവശ്യപ്പെട്ടു. എന്നാൽ അടുക്കളയിൽ പാത്രം കഴുകുകയായിരുന്ന ഭാര്യ ടവൽ തരാൻ അൽപം വൈകി. 

ഇതോടെ രോഷാകുലനായ രാജ്കുമാർ മൺവെട്ടികൊണ്ട് ഭാര്യയെ അടിച്ചുകൊല്ലുകയായിരുന്നു. തടയാനെത്തിയ 23 കാരിയായ മകളെയും ഇയാൾ ഭീഷണിപ്പെടുത്തി. കൊലക്കുറ്റത്തിന് കേസെടുത്ത ശേഷം ഇയാളെ പൊലീസ് അറസ്റ്റ് ചെയ്‌തു. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/LwxQCnE4tEd45HaJUZ6lxl

സംസ്ഥാനത്ത് ബസ് ചാർജിൽ വർധന ഉടൻ; സമരം പിൻവലിച്ചു 

തിരുവനന്തപുരം: സംസ്ഥാനത്ത് സ്വകാര്യ ബസ് സമരം പിൻവലിച്ചെങ്കിലും ബസ് ചാർജിൽ വരാനിരിക്കുന്നത് വൻ വർധനവ്. മിനിമം ചാർജ് 10 രൂപയാക്കി ഉയർത്താൻ ധാരണയായെന്നാണ് പുറത്തു വരുന്ന റിപ്പോർട്ട്. ഈ മാസം 18നുള്ളിൽ പുതുക്കിയ നിരക്ക് പ്രാബല്യത്തിൽ വരും. വിദ്യാർഥികളുടെ യാത്രാ നിരക്കും വർധിക്കണമെന്ന ആവശ്യം സർക്കാരിന് മുന്നിലുണ്ട്. 

എന്നാൽ ഇക്കാര്യത്തിൽ ‌കൂടിയാലോചനകൾക്ക് ശേഷമേ ഇക്കാര്യത്തിൽ അന്തിമ തീരുമാനം ഉണ്ടാകൂ. സ്വകാര്യ ബസ് ഉടമകളുമായി നടത്തിയ ചർച്ചയിൽ ചാർജ് വർധന അടക്കമുള്ള കാര്യങ്ങളിൽ ​ഗതാ​ഗത മന്ത്രി അനുകൂല നിലപാടെടുത്തതോടെയാണ് ഇന്ന് തുടങ്ങാനിരുന്ന അനിശ്ചിത കാല സമരം പിൻവലിച്ചത്.  

ഇന്ധന വില കുതിക്കുന്ന പശ്ചാത്തലത്തിൽ വിദ്യാർഥികളുടെ ഉൾപ്പെടെ യാത്രാനിരക്ക് വർധിപ്പിക്കണമെന്നും ഡീസൽ ഇന്ധന സബ്സിഡി നൽകണമെന്നതടക്കമുള്ള ആവശ്യങ്ങൾ മുന്നോട്ട് വെച്ചാണ് ബസ് ഉടമകൾ സമരം പ്രഖ്യാപിച്ചത്. മിനിമം ചാർജ് എട്ട് രൂപയിൽ നിന്നും 12 രൂപ ആക്കുക, കിലോമീറ്റർ നിരക്ക് നിലവിലെ 90 പൈസ എന്നതിൽ നിന്നും ഒരു രൂപ ആക്കി വർധിപ്പിക്കുക, കൊവിഡ് കാലം കഴിയുന്നത് വരെ ബസുകളുടെ വാഹന നികുതി പൂർണമായി ഒഴിവാക്കുക എന്നിവയാണ് സ്വകാര്യ ബസ് പ്രതിനിധികൾ മുന്നോട്ട് വെച്ച ആവശ്യങ്ങൾ. 

കൊവിഡ് പശ്ചാത്തലത്തിൽ 60 ശതമാനം ബസുകൾ മാത്രമാണ് നിരത്തിലിറക്കിയിട്ടുള്ളു എന്നും അതിൽ തന്നെ ആളുകളുടെ എണ്ണം വളരെ കുറവായതിനാൽ പ്രതിസന്ധിയിലാണെന്നും ബസ് ഉടമകൾ  പറയുന്നു. അതേസമയം ബസ് ചാർജ് വർധനവ് സാധാരണക്കാരന് വീണ്ടും തിരിച്ചടിയാകുമെന്നാണ് വിലയിരുത്തപ്പെടുന്നത്.