കൊല്ലം: മൂന്ന് മാസം പ്രായമുള്ള കുഞ്ഞുമായി അമ്മ കിണറ്റിൽ ചാടി. പട്ടാഴി സ്വദേശി സാംസിയാണ് കിണറ്റിൽ ചാടിയത്. വെള്ളത്തിൽ മുങ്ങിയ കുഞ്ഞ് മരിച്ചു. യുവതി ആശുപത്രിയിൽ ചികിത്സയിലാണ്. കൊട്ടാരക്കരയിലെ ആശുപത്രിയിലാണ് സംസിയെ പ്രവേശിപ്പിച്ചത്. വ്യാഴാഴ്ച്ച രാവിലെ 11നായിരുന്നു സംഭവം.
മൂന്ന് മാസം മാത്രം പ്രായമുള്ള മകൾ അന്നയെ ചുരിദാറിന്‍റെ ഷാൾ കൊണ്ട് ശരീരത്തിൽ ബന്ധിച്ച ശേഷം ഇവർ കിണറ്റിലേക്ക് ചാടുകയായിരുന്നു. സംഭവ സമയം വീട്ടിൽ ആരും ഉണ്ടായിരുന്നില്ല. സാംസിയുടെ അമ്മ സോമിനിയും ഏഴ് വയസുള്ള മൂത്ത മകളും ആശുപത്രിയിലേക്ക് പോയിരിക്കുകയായിരുന്നു.
ഇവർ തിരിച്ചെത്തിയപ്പോഴാണ് കിണറ്റിൽ വീണ നിലയിൽ ഇരുവരെയും കണ്ടെത്തിയത്. ഈ സമയം മോട്ടോറിന്‍റെ പൈപ്പിൽ തൂങ്ങി നിൽക്കുകയായിരുന്നു യുവതി. ഉടൻ തന്നെ നാട്ടുകാർ ഇരുവരെയും കയരക്ക് കയറ്റിയെങ്കിലും കുഞ്ഞിന്‍റെ ജീവൻ രക്ഷിക്കാനായില്ല.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/IjXOK79vV0mB3M4eg0HiVJ
Post A Comment: