നല്ല നാടൻ വെജിറ്റബിൾ സ്റ്റൂ ഉണ്ടാക്കിയാലോ

അപ്പത്തിനൊപ്പവും, ഇടിയപ്പത്തിനൊപ്പവും കഴിക്കാൻ ഒരു അടിപൊളി വെജിറ്റബിൾ സ്റ്റു ഉണ്ടാക്കിയാലോ? ചേരുവയും തയ്യാറാക്കുന്ന വിധവും ചുവടെ.  

ചേരുവകൾ

• ഉരുളക്കിഴങ് - 3 എണ്ണം (ചെറുതായി അരിഞ്ഞത്)
• സവോള - 2 എണ്ണം (നീളനെ അരിഞ്ഞത്)
• പച്ചമുളക് - 3 എണ്ണം (നീളനെ അരിഞ്ഞത്)
• ക്യാരറ്റ് - 1 എണ്ണം (ചെറുതായി അരിഞ്ഞത്)
• ഗ്രീൻപീസ് - 1/2 കപ്പ് 
• കുരുമുളക്പൊടി - 1 ടേബിൾസ്‌പൂൺ 
• വെളിച്ചെണ്ണ - 3 ടേബിൾസ്‌പൂൺ 
• തേങ്ങാപാൽ - 1 കപ്പ് (തനി പാൽ)  

• 
  
  
• ഇഞ്ചി - 1 ചെറിയ കഷണം (നീളനെ അരിഞ്ഞത്)
• വെളുത്തുള്ളി - 5 അല്ലി (നീളനെ അരിഞ്ഞത്)
• കറുവപ്പട്ട - 3 എണ്ണം
• ഗ്രാമ്പു - 2 എണ്ണം
• ഏലയ്ക്ക - 2 എണ്ണം
• ബിരിയാണി ഇല - 1 എണ്ണം  
• വെള്ളം - 1 കപ്പ് 
• ഉപ്പ് - ആവശ്യത്തിന് 
• കറിവേപ്പില - ആവശ്യത്തിന് 
• മല്ലിയില - ആവശ്യത്തിന് 

തയ്യാറാകുന്ന വിധം 

ആദ്യം തന്നെ ഒരു കുക്കറിൽ ഗ്രീൻപീസ്, ഉരുളകിഴങ്ങ്, ക്യാരറ്റ് എന്നിവ ഇട്ട് ഒരു കപ്പ് വെള്ളവും ഒഴിച്ച് വേവിച്ചെടുക്കാം. അതിനു ശേഷം ഒരു ചീനച്ചട്ടിൽ മുകളിൽ പറഞ്ഞ അളവിൽ വെളിച്ചെണ്ണ ഒഴിച്ച് പട്ട, ഗ്രാമ്പു, ബിരിയാണി ഇല, ഇഞ്ചി, വെളുത്തുള്ളി, സവോള, പച്ചമുളക് എന്നിവ ഓരോന്നായി ഇട്ട് നന്നായി വഴറ്റി കൊടുക്കാം. ഇതിനു ശേഷം സവോളയും കൂടി ഇട്ടു കൊടുത്ത് വഴറ്റി അൽപ്പം ഉപ്പും ചേർത്ത് കൊടുക്കാം. 

സവോള നന്നായി വഴറ്റിയ ശേഷം അതിലേക്ക് നേരത്തെ വേവിച്ച് വച്ചിരിക്കുന്ന കിഴങ്ങും, ക്യാരറ്റും, ഗ്രീൻപീസും ചേർത്ത് കൊടുക്കാം. അഞ്ച് മിനിറ്റ് അടച്ച് വച്ച് വേവിക്കാം. 

ഇനി ഇതിലേക്ക് തേങ്ങാപാൽ ചേർത്ത് കൊടുക്കാം. തേങ്ങാപാൽ ചേർത്തതിന് ശേഷം സ്റ്റു തിളയ്ക്കാതിരിക്കാൻ പ്രത്യേകം ശ്രദ്ധിക്കുക. അഞ്ച് മിനിറ്റ് ചെറിയ തീയിൽ വച്ച് ഇളക്കി കൊടുക്കാം. അവസാനമായി കറിവേപ്പിലയും, മല്ലിയിലയും ചേർത്ത് കൊടുക്കാം. ഇപ്പോൾ രുചികരമായ വെജിറ്റബിൾ സ്റ്റു റെഡി. 

വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ....

https://chat.whatsapp.com/FqW7VJGGtZ9IrG38Ai0WK1