ചെന്നൈ: തന്‍റെ ചിത്രം മോർഫ് ചെയ്ത് നഗ്ന ചിത്രമാക്കി പ്രചരിപ്പിച്ചതിനെതിരെ രൂക്ഷ വിമർശനവുമായി നടി മാളവിക മോഹൻ. തമിഴിലെ പ്രമുഖ മാധ്യമങ്ങളിലൊന്നാണ് താരത്തിന്‍റെ വ്യാജ ചിത്രം പ്രചരിച്ചത്. യഥാർഥ ചിത്രം പങ്കുവച്ചുകൊണ്ടാണ് താരം മാധ്യമങ്ങൾക്കെതിരെ രംഗത്തെത്തിയത്.
കഴിഞ്ഞ മാസം താൻ എടുത്ത ഫോട്ടോ ആണ് ഇതെന്നും ആരോ ഫോട്ടോഷോപ്പ് ചെയ്ത് വൃത്തികെട്ട ചിത്രമാക്കി ഓൺലൈനിലൂടെ പ്രചരിപ്പിക്കുകയാണെന്നും താരം ആരോപിച്ചു. ചെയ്‌ത ആൾ മാത്രമല്ല മറ്റുപലരും പ്രമുഖ ചാനലുകളും ചിത്രം പ്രചരിപ്പിക്കുന്നത് കാണാൻ ഇടയായി. ഇത് ചീപ്പ് മാധ്യമപ്രവർത്തനമാണ്. ഇത്തരം ഫേക്ക് ചിത്രങ്ങൾ കണ്ടാൽ അത് എത്രയും പെട്ടെന്ന് റിപ്പോർട്ട് ചെയ്യണം.-മാളവിക മോഹനൻ ട്വീറ്റ് ചെയ്‌തു.
മാധ്യമത്തിൽ വന്ന വാർത്ത പങ്കുവച്ചുകൊണ്ടും താരം രംഗത്തെത്തിയിരുന്നു. അതിന് പിന്നാലെ വാർത്ത നീക്കം ചെയ്‌തിരുന്നു. മാളവികയ്ക്ക് പിന്തുണയുമായി നിരവധി ആരാധകരാണ് എത്തുന്നത്. തെന്നിന്ത്യയിലും ബോളിവുഡിലും ശ്രദ്ധ നേടിയ നടിയാണ് മാളവിക മോഹനൻ. വിജയ് ദേവരകൊണ്ട നായകനാകുന്ന തെലുങ്ക് ചിത്രം ഹീറോ, ധനുഷ്-കാർത്തിക് നരേൻ ചിത്രം മാരൻ എന്നിവയാണ് മാളവികയുടെ പുതിയ പ്രോജക്റ്റുകൾ.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ....This is a photo of mine from a few months back which somebody has photoshopped and created a fake vulgar one. A lot of people have been circulating that including media houses like @AsianetNewsTM , which is just cheap journalism. If you see the fake one please help & report. pic.twitter.com/y9QXDf5HHf
— malavika mohanan (@MalavikaM_) February 2, 2022
Post A Comment: