ന്യൂഡെൽഹി: രണ്ട് മാസം പ്രായമുള്ള കുഞ്ഞിനെ മൈക്രോ വേവ് ഓവനുള്ളിൽ മരിച്ച നിലയിൽ കണ്ടെത്തി. പെൺകുഞ്ഞാണ് മരിച്ചത്. ദക്ഷിണ ഡെൽഹിയിലെ ചിരാഗ് ദില്ലി മേഖലയിലാണ് സംഭവം. ദക്ഷിണ ദില്ലി ഡെപ്യൂട്ടി കമ്മീഷണര് ബെനിറ്റ മേരി ജയ്ക്കറാണ് വിവരം മാധ്യമങ്ങളോട് വെളിപ്പെടുത്തിയത്. സംഭവത്തിൽ അന്വേഷണം ആരംഭിച്ചതായും അവർ പറഞ്ഞു.
ഗുല്ഷന് കൌശിക്, ഡിംപിള് കൌശിക് ദമ്പതികളുടെ രണ്ട് മാസം പ്രായമുള്ള പെണ്കുഞ്ഞിനാണ് ദാരുണാന്ത്യം സംഭവിച്ചത്.ഇവരെ പൊലീസ് ചോദ്യം ചെയ്യുകയാണ്. സംഭവത്തില് കൊലപാതകത്തിനാണ് പൊലീസ് കേസ് രജിസ്റ്റര് ചെയ്തിരിക്കുന്നത്. കുഞ്ഞിന്റെ അമ്മയെയാണ് സംഭവത്തില് പ്രാഥമികമായി സംശയിക്കുന്നതെന്നാണ് മുതിര്ന്ന പൊലീസ് ഉദ്യോഗസ്ഥര് ദേശീയ മാധ്യമങ്ങളോട് വിശദമാക്കിയത്.
പെണ്കുട്ടിയുടെ ജനനത്തില് അമ്മ അസ്വസ്ഥത പ്രകടിപ്പിച്ചിരുന്നതായാണ് സൂചന. അനന്യ എന്നാണ് കൊല്ലപ്പെട്ട പെണ്കുഞ്ഞിന്റെ പേര്. ജനുവരിയിലാണ് കുഞ്ഞ് ജനിച്ചത്. ഈ സമയം മുതല് തന്നെ രക്ഷിതാക്കള് അസ്വസ്ഥരായിരുന്നു. കുഞ്ഞിന്റെ അമ്മ വീട്ടിനകത്ത് അടച്ചിരിക്കുന്നതില് സംശയം തോന്നിയ അമ്മായിഅമ്മയാണ് വീട്ടില് പ്രശ്നമുണ്ടെന്ന് അയല്ക്കാരെ അറിയിച്ചത്.
അയല്ക്കാരാണ് പൊലീസ് സഹായം തോടിയത്. വീടിനകത്ത് പൊലീസ് എത്തുമ്പോള് അബോധാവസ്ഥയിലായിരുന്നു കൊല്ലപ്പെട്ട കുഞ്ഞിന്റെ അമ്മയും ഇവരുടെ മറ്റൊരു മകനും ഉണ്ടായിരുന്നത്. അനന്യയെ കാണാതെ നടത്തിയ തെരച്ചിലിലാണ് മൈക്രോ വേവ് ഓവനുള്ളില് കുഞ്ഞിന്റെ മൃതദേഹം കണ്ടെത്തിയത്. രണ്ടാം നിലയിലായിരുന്നു ഈ ഓവന് വട്ടിരുന്നത്. വീടിനടുത്ത് തന്നെ കട നടത്തുകയാണ് ഇവരുടെ ഭര്ത്താവ്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GTdWYfjzEq4JYKBtby408a
പാചക വാതക വിലയിൽ വർധനവ്
ന്യൂഡെൽഹി: ഇന്ധനവിലയ്ക്ക് പുറമേ രാജ്യത്ത് പാചക വാതക വിലയിലും വർധനവ്. വീട്ടാവശ്യത്തിനുള്ള സിലിണ്ടറിന് 50 രൂപ കൂടി. കൊച്ചിയിലെ പുതിയ വില 956 രൂപ. അഞ്ച് കിലോയുടെ ചെറിയ സിലിണ്ടറിന്റെ വില 13 രൂപ കൂടി 352 രൂപയായി. നേരത്തെ വാണിജ്യ ആവശ്യത്തിനുള്ള സിലണ്ടറിന്റെ വിലയില് വർധനവ് വരുത്തിയിരുന്നു.
നാല് മാസത്തിനു ശേഷം ഇന്ധനവിലയിലും ഇന്ന് വർധനവുണ്ടായിരുന്നു. പെട്രൊൾ ലീറ്ററിന് 87 പൈസയും, ഡീസൽ ലീറ്ററിന് 85 പൈസയുമാണ് കൂടിയത്. ക്രൂഡ് ഓയില് വിലയിലും വന് വർധനവ് ഉണ്ടായിട്ടുണ്ട്. ഏഴ് ശതമാനം വർധനവാണ് ഉണ്ടായിരിക്കുന്നത്. ക്രൂഡിന് 117 ഡോളറാണ് അന്താരാഷ്ട്ര വിപണിയിലെ ഇപ്പോഴത്തെ വില. തിരുവനന്തപുരം, പെട്രോള് - 107.31 ഡീസല് - 94.41, കൊച്ചി: പെട്രോള്- 105.18 ഡീസല്-92.40, കോഴിക്കോട്: പെട്രോള് -105.45 ഡീസല് - 92.61 എന്നിങ്ങനെയാണ് ഇന്നത്തെ വില.
Post A Comment: