ചെന്നൈ: ഓടുന്ന ബസിൽ പരസ്യമായി മദ്യപിച്ച വിദ്യാർഥിനികൾക്കെതിരെ അന്വേഷണം. ആൺകുട്ടികളും പെൺകുട്ടികളും അടങ്ങുന്ന സംഘം ബസിനുള്ളിൽ പരസ്യമായി മദ്യപിക്കുന്ന വീഡിയോ പുറത്തു വന്നതോടെയാണ് അന്വേഷണം ആരംഭിച്ചത്. സോഷ്യൽ മീഡിയയിൽ ഈ വീഡിയോ വ്യാപകമായി പ്രചരിക്കുന്നുണ്ട്.
തമിഴ്നാട്ടിലെ ചെങ്കല്പ്പേട്ട് ജില്ലയില് നിന്നാണ് വീഡിയോ പുറത്തു വന്നത്. ഇവിടുത്തെ സർക്കാർ സ്കൂളിൽ പഠിക്കുന്ന വിദ്യാർഥികളാണ് വീഡിയോയിലുള്ളത്. എന്തോ ആഘോഷത്തിന്റെ ഭാഗമായി വിദ്യാർഥികൾ ബസിനുള്ളിൽ മദ്യപിക്കുന്നത് വ്യക്തമാണ്. യൂണിഫോമിലാണ് വിദ്യാർഥികൾ മദ്യപിക്കുന്നത്. ചെങ്കല്പ്പേട്ടില് നിന്ന് തച്ചൂരിലേക്ക് സര്ക്കാര് ബസില് യാത്ര ചെയ്യുന്നതിനിടെയാണ് പ്ലസ്ടു വിദ്യാര്ഥികള് ബസില് നിന്നുകൊണ്ട് ബിയര് കുടിച്ചത്.
ഒപ്പം യാത്ര ചെയ്യുന്ന കുട്ടികളിലൊരാളാണ് ദൃശ്യങ്ങള് പകര്ത്തിയത്. മദ്യപിച്ച് ബസില് ബഹളം വയ്ക്കുന്ന ദൃശ്യങ്ങളും വൈറലായ വിഡിയോയിലുണ്ട്. ഒരുകുപ്പി ബിയര് പരസ്പരം കൈമാറി കുടിക്കുകയാണ് സംഘം. മറ്റ് യാത്രക്കാര് കുട്ടികളെ നോക്കുന്നതും വീഡിയോയിലുണ്ട്. വീഡിയോ വൈറലായതോടെ വിദ്യാഭ്യാസ വകുപ്പും വിഷയത്തില് ഇടപ്പെട്ടിട്ടുണ്ട്. കുട്ടികളെ വിളിച്ചുവരുത്തി താക്കീത് ചെയ്തെന്നാണ് റിപ്പോര്ട്ടുകള്. സംഭവത്തില് കര്ശനനടപടി സ്വീകരിക്കുമെന്ന് സ്കൂള് അധികൃതര് അറിയിച്ചു.
ടെലഗ്രാമിൽ ഫോളോ ചെയ്യാനായി
സംസ്ഥാനത്ത് സ്വകാര്യ ബസ് സമരം തുടങ്ങി
തിരുവനന്തപുരം: സംസ്ഥാനത്ത് സ്വകാര്യ ബസുകൾ സമരം ആരംഭിച്ചതോടെ പൊതുജനം പെരുവഴിയിൽ. കെ.എസ്.ആർ.ടി.സി അധിക സർവീസ് നടത്തുന്നുണ്ടെങ്കിലും പലയിടങ്ങളിലും യാത്രികർ യാത്രാമാർഗമില്ലാതെ വെഴിയിൽപെട്ടു. നിരക്ക് വർധന ആവശ്യപ്പെട്ടാണ് സംസ്ഥാനത്ത് സ്വകാര്യ ബസുടമകൾ അനിശ്ചിതകാല സമരം ആരംഭിച്ചത്.
മധ്യ കേരളത്തിലും മലബാർ മേഖലയിലും നാട്ടിൻ പുറങ്ങളിലുമാണ് സ്വകാര്യ ബസുകളെ കൂടുതലായി ആശ്രയിക്കുന്നത്. ഒന്നു മുതല് ഒൻപതു വരെ ക്ലാസുകളിലെ വാര്ഷിക പരീക്ഷ തുടങ്ങിയതിനാല് സമരം വിദ്യാര്ഥികളെയും സമരം ബാധിച്ചിട്ടുണ്ട് .ഈ മാസം 30 ന് എല്ഡിഎഫ് യോഗത്തിന് ശേഷം മാത്രമേ നിരക്ക് വര്ധനയില് തീരുമാനമുണ്ടാകൂ എന്നാണ് സര്ക്കാര് വൃത്തങ്ങള് അറിയിക്കുന്നത്. അതേസമയം തിരുവനന്തപുരം നഗരത്തിൽ സ്വകാര്യ ബസുകൾ പണിമുടക്കിയില്ല. ഉടമസ്ഥർ പറഞ്ഞതിനാൽ വാഹനങ്ങൾ നിരത്തിലിറക്കിയെന്നാണ് ജീവനക്കാരുടെ വിശദീകരണം.
മിനിമം ചാർജ് 12രൂപയാക്കണം, കിലോമീറ്റർ നിരക്ക് ഒരുരൂപ പത്ത് പൈസ ഉയർത്തണം, വിദ്യാർഥികളുടെ നിരക്ക് ആറ് രൂപയാക്കണം എന്നീ ആവശ്യങ്ങളുമായിട്ടാണ് ബസുടമകൾ പണിമുടക്കുന്നത്.
Post A Comment: