ഇടുക്കി: മരുമകന്‍റെ കഴുത്തിൽ കത്തികൊണ്ട് വെട്ടിയ അമ്മായി അപ്പൻ അറസ്റ്റിൽ. ഇടുക്കി കട്ടപ്പനയിൽ ബുധനാഴ്ച്ച രാത്രി 10 ഓടെയാണ് സംഭവം നടന്നത്. എസ്.എൻ. ജംക്ഷനിൽ താമസിക്കുന്ന വേലമ്മാവുകുടിയിൽ ബാബു (58) ആണ് അറസ്റ്റിലായത്. ഇയാളുടെ മകളുടെ ഭർത്താവ് റാന്നി സ്വദേശി മനോജിനാണ് വെട്ടേറ്റത്. മനോജിന്‍റെ കഴുത്തിനു പിൻ ഭാഗത്താണ് മുറിവ്. പരുക്ക് ഗുരുതരമല്ല.
ബാബുവിനെതിരെ ഗുരുതര വകുപ്പുകൾ ചുമത്തിയിട്ടുള്ളതായി പൊലീസ് അറിയിച്ചു. ബുധനാഴ്ച്ച രാത്രിയോടെയാണ് സംഭവം നടന്നത്. കട്ടപ്പനയിൽ ഹോട്ടൽ നടത്തുന്ന ബാബുവും മരുമകനും തമ്മിൽ കുടുംബ പ്രശ്‌നം നിലനിന്നിരുന്നു.
ബുധനാഴ്ച്ച മദ്യലഹരിയിൽ വീട്ടിലെത്തിയ ബാബുവും വീട്ടുകാരും തമ്മിൽ വാക്കേറ്റവും സംഘർഷവുമുണ്ടായി. ഇതിനിടെ ബാബു കൊച്ചു മകന്‍റെ സ്വകാര്യ ഭാഗത്ത് അടക്കം മർദിച്ചു. ഇതിനു പിന്നാലെയാണ് മനോജിനെ കത്തി കൊണ്ട് പിടലിക്ക് വെട്ടാൻ ശ്രമിച്ചത്. പിടലിക്ക് കത്തി കൊണ്ടെങ്കിലും കാര്യമായ മുറിവുണ്ടായില്ല. വീട്ടുകാരുടെ പരാതിയെ തുടർന്ന് കേസെടുത്ത കട്ടപ്പന പൊലീസ് പ്രതിയെ അറസ്റ്റ് ചെയ്‌ത് കോടതിയിൽ ഹാജരാക്കി.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GJaKOlvs1xxHPZvUgAJSae
17 കാരിയോട് ലൈംഗികാതിക്രമം; വൈദികൻ അറസ്റ്റിൽ
പത്തനംതിട്ട: കൗൺസിലിങ്ങിനെത്തിയ യുവതിയോട് ലൈംഗികാതിക്രമം കാണിച്ച കേസിൽ വൈദികൻ അറസ്റ്റിൽ. കൂടൽ ഓർത്തഡോക്‌സ് പള്ളിയിലെ വികാരി ഫാ. പോണ്ട്‌സൺ ജോൺ ആണ് പിടിയിലായത്. 17 വയസുള്ള വിദ്യാർഥിനിയോടായിരുന്നു ലൈംഗികാതിക്രമം. പഠനത്തിൽ മോശമായിരുന്ന കുട്ടിയെ കൗൺസിലിങ്ങിനായിട്ടാണ് വീട്ടുകാർ വൈദികന്‍റെ അടുത്തേക്ക് അയച്ചത്.
ഈ സമയത്ത് വൈദികൻ മോശമായി പെരുമാറുകയായിരുന്നുവെന്നാണ് യുവതി പറയുന്നത്. ഈ മാസം 13നായിരുന്നു സംഭവം. സംഭവം യുവതി അധ്യാപികയോടാണ് ആദ്യം പറഞ്ഞത്. തുടർന്ന് അധ്യാപിക വിവരം പൊലീസിനെ അറിയിക്കുകയായിരുന്നു. തുടർന്ന് ഇന്ന് പുലർച്ചെയാണ് പൊലീസ് വൈദികനെ വീട്ടിൽ നിന്നും കസ്റ്റഡിയിലെടുത്തത്. പെൺകുട്ടിയുടെ വിശദമായ മൊഴി രേഖപ്പെടുത്തിയ ശേഷമായിരിക്കും തുടർ നടപടികൾ.
Post A Comment: