യുവാവിന്‍റെ അപകട മരണം; ദുരൂഹത ആരോപിച്ച് ബന്ധുക്കൾ

വാഴൂർ:  മകൻ ബൈക്കപകടത്തിൽ മരിച്ചതിൽ ദുരൂഹത ആരോപിച്ച് ബന്ധുക്കൾ കോട്ടയം ജില്ലാ പൊലീസ് മേധാവിക്ക് പരാതി നൽകി. ചാമംപതാൽ കരോട്ടുമുറിയിൽ നാസർ സൈനുദ്ദീൻ (33) ന്‍റെ മരണത്തിലെ ദുരൂഹത നീക്കണമെന്നാവശ്യപ്പെട്ട് നാസറിന്‍റെ പിതാവ് സൈനുദ്ദീൻ, ഭാര്യ ആമിന നാസർ എന്നിവരാണ് പരാതി നൽതിയത്. 

മാർച്ച് 12 ന് നാസറിനെ വീടിന് സമീപത്തെ വളവിൽ ബൈക്ക് അപകടത്തിൽ മരിച്ച നിലയിൽ കണ്ടെത്തിയിരുന്നു. നാസർ വളരെ ശ്രദ്ധിച്ച് വാഹനം ഓടിക്കുന്ന ആളാണെന്നും എന്നാൽ ബൈക്കിന്‍റെ സ്റ്റാൻഡ് തട്ടി ബൈക്ക് മറിഞ്ഞ് വീണ് അപകടമുണ്ടായതാണെന്ന് പ്രദേശത്ത് ദുരൂഹ സാഹചര്യത്തിൽ കണ്ടെത്തിയ വ്യക്തി പ്രചരിപ്പിച്ചതായും പരാതിയിൽ പറയുന്നു. സ്റ്റാൻഡ് തട്ടി ബൈക്ക് മറിയാൻ സാധ്യതയില്ലെന്നും സംഭവത്തിലെ ദുരൂഹത നീക്കാൻ പൊലീസ് നടപടി വേണമെന്നുമാണ് കുടുംബത്തിന്‍റെ ആവശ്യം.

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/GTdWYfjzEq4JYKBtby408a

പാചക വാതക വിലയിൽ വർധനവ്

ന്യൂഡെൽഹി: ഇന്ധനവിലയ്ക്ക് പുറമേ രാജ്യത്ത് പാചക വാതക വിലയിലും വർധനവ്. വീട്ടാവശ്യത്തിനുള്ള സിലിണ്ടറിന് 50 രൂപ കൂടി. കൊച്ചിയിലെ പുതിയ വില 956 രൂപ. അഞ്ച് കിലോയുടെ ചെറിയ സിലിണ്ടറിന്‍റെ വില 13 രൂപ കൂടി 352 രൂപയായി. നേരത്തെ വാണിജ്യ ആവശ്യത്തിനുള്ള സിലണ്ടറിന്‍റെ വിലയില്‍ വർധനവ് വരുത്തിയിരുന്നു.

നാല് മാസത്തിനു ശേഷം ഇന്ധനവിലയിലും ഇന്ന് വർധനവുണ്ടായിരുന്നു. പെട്രൊൾ ലീറ്ററിന് 87 പൈസയും, ഡീസൽ ലീറ്ററിന് 85 പൈസയുമാണ് കൂടിയത്. ക്രൂഡ് ഓയില്‍ വിലയിലും വന്‍ വർധനവ് ഉണ്ടായിട്ടുണ്ട്. ഏഴ് ശതമാനം വർധനവാണ് ഉണ്ടായിരിക്കുന്നത്. ക്രൂഡിന് 117 ഡോളറാണ് അന്താരാഷ്ട്ര വിപണിയിലെ ഇപ്പോഴത്തെ വില. തിരുവനന്തപുരം, പെട്രോള്‍ - 107.31 ഡീസല്‍ - 94.41, കൊച്ചി: പെട്രോള്‍- 105.18 ഡീസല്‍-92.40, കോഴിക്കോട്: പെട്രോള്‍ -105.45 ഡീസല്‍ - 92.61 എന്നിങ്ങനെയാണ് ഇന്നത്തെ വില.