കുമളി: കുളിക്കാൻ പോയ 11 വയസുകാരനെ കുളിമുറിയിൽ തൂങ്ങി മരിച്ച നിലയിൽ കണ്ടെത്തി. ചക്കുപള്ളം പളയകുടിയിൽ ശ്യാം - സുരേഷ് ദമ്പതികളുടെ മൂത്ത മകൻ ശ്യാം സുരേഷ് (11) ആണ് മരിച്ചത്. ഞായറാഴ്ച്ച വൈകിട്ടായിരുന്നു സംഭവം. രാത്രിയോടെയാണ് വിവരം പുറം ലോകം അറിഞ്ഞത്. കുട്ടി കുളിക്കുവാനായി കുളിമുറിയിലേക്ക് പോയിരുന്നു.
ഏറെ സമയം കഴിഞ്ഞും കാണാതായിട്ടും കുളിമുറിയിലെത്തി പരിശോദിച്ചപ്പോഴാണ് തോർത്തിൽ തൂങ്ങിയ നിലയിൽ ശ്യാമിന്റെ ശരീരം കണ്ടത്. കുട്ടിയുടെ പിതാവിന്റെ അനുജനാണ് ആദ്യം കണ്ടത്. ഉടൻ തന്നെ കട്ടപ്പനയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു.
മുൻപ് ഇത്തരത്തിൽ കുട്ടിയുടെ കഴുത്തിൽ അബദ്ധത്തിൽ കയർ കുരുങ്ങിയ സംഭവം ഉണ്ടായിട്ടുണ്ടെന്നാണ് ലഭിക്കുന്ന വിവരം. ചക്കുപള്ളം ട്രൈബൽ സ്കൂൾ ഏഴാം ക്ലാസ് വിദ്യാർഥിയാണ് മരിച്ച ശ്യാം . സംഭവത്തിൽ കുമളി പൊലീസ് അന്വഷണം ആരംഭിച്ചിട്ടുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: