യുവാവ് ജീവനൊടുക്കിയ സംഭവം; കാമുകനു പിന്നാലെ ഭാര്യയും അറസ്റ്റിൽ

തിരുവനന്തപുരം: യുവാവ് ആത്മഹത്യ ചെയ്‌ത സംഭവത്തിൽ ഭാര്യയും അറസ്റ്റിൽ. പാങ്ങോട് കാണിക്കര വട്ടക്കരിക്കകത്ത് ശ്രീകാര്യ മടത്തു നട ലെയ്ൻ സുരേഷ് നിലയത്തിൽ വാടകയ്ക്ക് താമസിക്കുന്ന അഖില (30) ആണ് അറസ്റ്റിലായത്. ഇവരുടെ ഭർത്താവ് മുട്ടത്തറ പുത്തൻതെരുവ് മണക്കാട് ഉഷാഭവനിൽ കെ. ശിവപ്രസാദിന്‍റെ (35) ആത്മഹത്യയെ തുടർന്നാണ് അറസ്റ്റ്. അഖിലയക്കെതിരെ പ്രേരണാകുറ്റത്തിനു കേസെടുത്താണ് വിളപ്പിൽശാല പൊലീസ് അറസ്റ്റ് ചെയ്‌തിരിക്കുന്നത്.  

2019 സെപ്റ്റംബർ എട്ടിനാണ് ഡ്രൈവറായ ശിവപ്രസാദിനെ തൂങ്ങി മരിച്ച നിലയിൽ കണ്ടെത്തിയത്. ഭാര്യയുടെയും കാമുകന്‍റെയും രഹസ്യ വീഡിയോ പുറത്തു വന്നതിനു പിന്നാലെയായിരുന്നു ശിവപ്രസാദ് ജീവനൊടുക്കിയത്. ഇതിനു പിന്നാലെ കഴിഞ്ഞ ദിവസം ഭാര്യാ കാമുകൻ വിഷ്‌ണു അറസ്റ്റിലായിരുന്നു. 

നേരത്തെ തച്ചോട്ടുകാവിലെ ഗ്യാസ് ഏജൻസിയിൽ ജോലി ചെയ്യുന്ന സമയത്താണ് അഖില വിഷ്‌ണുവുമായി അടുപ്പത്തിലാകുന്നത്. പിന്നീട് അഖിലയും രണ്ട് കുട്ടികളും വിഷ്‌ണുവിനൊപ്പം ശ്രീകാര്യത്ത് താമസവും തുടങ്ങിയിരുന്നു. ഇതിനിടെ ഇരുവരുടെയും രഹസ്യ വീഡിയോ സോഷ്യൽ മീഡിയയിൽ എത്തിയിരുന്നു. ഇതിനു പിന്നാലെയാണ് ശിവപ്രസാദ് ജീവനൊടുക്കിയത്. കേസിൽ ഒന്നാം പ്രതിയാണ് അഖില. വിഷ്‌ണു രണ്ടാം പ്രതിയാണ്. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/Ku96p9eW31wHF7wmoRJTkB

യുവതി കിണറ്റിൽ മരിച്ച നിലയിൽ; ശരീരമാസകലം പൊള്ളൽ

കോട്ടയം: ഭർതൃവീടിനു സമീപത്തെ ഉപയോഗ ശൂന്യമായ കിണറ്റിൽ മരിച്ച നിലയിൽ കണ്ടെത്തിയ യുവതിയുടെ ശരീരത്തിൽ പൊള്ളലേറ്റ പാടുകൾ. പാല തോടനാൽ സ്വദേശി രാജേഷിന്‍റെ ഭാര്യ ദൃശ്യ (28) ആണ് മരിച്ചത്. തീ കൊളുത്തിയ ശേഷം കിണറ്റിൽ ചാടിയെന്നാണ് നിഗമനം. എന്നാൽ സംഭവത്തിൽ ദുരൂഹതയുണ്ടോയെന്നും അന്വേഷിക്കുന്നുണ്ട്. യുവതിയുടെ ശരീരമാസകലം പൊള്ളലേറ്റ പാടുകളുണ്ട്.

നാല് വർഷം മുമ്പാണ് ഇടുക്കി ഏലപ്പാറ ചിന്നാർ സ്വദേശിനിയായ ദൃശ്യയും രാജേഷും തമ്മിൽ വിവാഹിതരായത്. യുവതി സമൂഹ മാധ്യമങ്ങൾ ഉപയോഗിക്കുന്നതുമായി ബന്ധപ്പെട്ട് രാജേഷിന്‍റെ വീട്ടുകാർ പ്രശ്‌നമുണ്ടാക്കിയിരുന്നു. കഴിഞ്ഞ ആഴ്ച്ച ചിന്നാറിലെ സ്വന്തം വീട്ടിലേക്ക് പോയ ദൃശ്യ മടങ്ങി വരുമ്പോൾ ബന്ധുക്കളെ കൂട്ടണമെന്ന് ഭർത്താവിന്‍റെ വീട്ടുകാർ ആവശ്യപ്പെട്ടിരുന്നു. 

എന്നാൽ തിങ്കളാഴ്ച്ച ഒറ്റക്കാണ് ദൃശ്യ എത്തിയത്. തുടർന്ന് ഭർതൃവീട്ടുകാർ ദൃശ്യയുടെ വീട്ടുകാരെ അന്നു തന്നെ വിളിച്ചു വരുത്തുകയും സമൂഹ മാധ്യമം ഉപയോഗിക്കുന്നതിൽ പരാതി പറയുകയും ചെയ്‌തിരുന്നു. 

ഇതിനു പിന്നാലെ തിങ്കളാഴ്ച്ച ഉച്ചയ്ക്ക് 2.30 ഓടെ ദൃശ്യയെ കാണാതാവുകയായിരുന്നു. തുടർന്ന് ഭർതൃവീട്ടുകാർ പൊലീസിൽ പരാതിയും നൽകി. ഇതിനിടെയാണ് അയൽ വീട്ടിലെ കിണറ്റിൽ ദൃശ്യയുടെ മൃതദേഹം കണ്ടെത്തിയത്. ദൃശ്യ ആത്മഹത്യ ചെയ്യില്ലെന്ന നിലപാടിലാണ് സഹോദരൻ മണി അടക്കമുള്ള വീട്ടുകാർ. പൊലീസ്, ഫൊറൻസിക് വിദഗ്ദർ സ്ഥലത്തെത്തി അന്വേഷണം ആരംഭിച്ചിട്ടുണ്ട്.