16 കാരിയെ സുഹൃത്തിന്‍റെ വീട്ടിലെത്തിച്ച് പീഡിപ്പിച്ചു; കൊലക്കേസ് പ്രതിയടക്കം പിടിയിൽ

മുണ്ടക്കയം: 16കാരിയെ പ്രണയം നടിച്ച് തട്ടിക്കൊണ്ടു പോയി സുഹൃത്തിന്‍റെ വീട്ടിലെത്തിച്ച്  പീഡിപ്പിച്ച സംഭവത്തിൽ രണ്ട് പേർ പിടിയിൽ. മടുക്ക പനക്കച്ചിറ സ്വദേശി പുളിമൂട്ടിൽ പി.എസ്. ബിജീഷ്, സുഹൃത്ത് ഏറ്റുമാനൂർ, പുന്നത്തറ തെനക്കര ഷെബിൻ ടി. ഐസക് എന്നിവരെയാണ് മുണ്ടക്കയം പൊലീസ് അറസ്റ്റ് ചെയ്‌തത്. 

മുണ്ടക്കയം സ്വദേശിനിയായ പതിനാറ് വയസുകാരിയെ പ്രണയം നടിച്ച് തട്ടിക്കൊണ്ട് പോയ ബിജീഷ് ഷെബിന്‍റെ ഏറ്റുമാനുരിലെ വീട്ടിലെത്തിച്ച് പീഡിപ്പിക്കുകയായിരുന്നു എന്ന് പൊലീസ് അറിയിച്ചു.  

മുണ്ടക്കയം പോലീസ് സ്റ്റേഷനിലെ തന്നെ മറ്റൊരു പോക്സോ കേസിൽ പ്രതിയാണ് ബിജീഷ്. ഷെബിൻ കൊലപാതകശ്രമ കേസിൽ പ്രതിയാണ്. പെൺകുട്ടിയെ കാണാതായതിനെ തുടർന്ന് വീട്ടുകാർ നൽകിയ പരാതിയിൽ നടത്തിയ അന്വേഷണത്തിലാണ് പ്രതികൾ പിടിയിലായത്.

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/L67XbjS4vdxJpqM0Dz7ehJ

സംസ്ഥാനത്ത് പാചക വാതക വിലയിൽ വർധനവ് 

കൊച്ചി: സംസ്ഥാനത്ത് പാചക വാതക വിലയിൽ വർധനവ്. ഗാർഹിക ആവശ്യത്തിനുളള സിലിണ്ടറിന് 25 രൂപയും വാണിജ്യാവശ്യത്തിനുള്ള സിലിണ്ടറിന് 73.50 രൂപയുമാണ് കൂടിയത്. ഗാർഹിക സിലിണ്ടറിന് ഇതോടെ വില 891.50 രൂപയായി. 1692.50 രൂപയാണ് വാണിജ്യാവശ്യത്തിനുള്ള സിലിണ്ടറിന്‍റെ ഇന്നത്തെ വില.

പാചകവാതക വില രണ്ടാഴ്ച മുൻപ് 25 രൂപ കൂടിയിരുന്നു. ഗാർഹിക ആവശ്യത്തിനുളള സിലിണ്ടറിന് 10 മാസത്തിനിടെ 30 ശതമാനത്തോളം വർധനവാണ് ഉണ്ടായത്. വാണിജ്യാവശ്യത്തിനുള്ള സിലിണ്ടറിന് ഈ വർഷം മാത്രം 370 രൂപ വർധിച്ചു. 

അതേസമയം, ഇന്ധന വില കുറഞ്ഞു. ഡീസലിനും പെട്രോളിനും വില കുറഞ്ഞിട്ടുണ്ട്. പെട്രോളിന് 14 പൈസയും, ഡീസലിന് 15 പൈസയുമാണ് കുറഞ്ഞത്. ഇതോടെ കൊച്ചിയിലെ ഡീസൽ വില 93.59 രൂപയും ഒരു ലിറ്റർ പെട്രോളിന്‍റെ വില 101.49 രൂപയുമാണ്.