റോഡിൽ ചെളി; തെന്നി നീങ്ങി നിയന്ത്രണം വിട്ട കാർ എതിരെ വന്ന വാഹനത്തിലിടിച്ചു

ഇടുക്കി: റോഡിൽ കിടന്ന ചെളിയിൽ തെന്നി നീങ്ങിയ കാർ എതിരെ വന്ന വാഹനത്തിൽ ഇടിച്ചു നിന്നു. കട്ടപ്പന ഇരട്ടയാർ എലൈറ്റ്പടിക്ക് സമീപമായിരുന്നു അപകടം. മാരുതി 800 കാറാണ് അപകടത്തിൽപെട്ടത്. കാറിലുണ്ടായിരുന്നവരെ പരുക്കുകളോടെ ആശുപത്രിയിൽ പ്രവേശിപ്പിച്ചു.

പ്രദേശത്ത് സ്വകാര്യ വ്യക്തി ടിപ്പറിൽ മണ്ണെടുത്തതിനാൽ റോഡിൽ നിറയെ മണ്ണ് നിറഞ്ഞിരുന്നു. മഴയത്ത് ഇവിടം ചെളി നിറഞ്ഞതാണ് അപകടത്തിനു കാരണമായത്. 

നിരവധി വാഹനങ്ങൾ ചെളിയിൽ തെന്നി നീങ്ങിയതായി നാട്ടുകാർ പറഞ്ഞു. തുടർന്ന് നാട്ടുകാരുടെ പ്രതിഷേധത്തെ തുടർന്ന് തെളികുമ്പാരം കഴുകി വൃത്തിയാക്കിയിട്ടുണ്ട്. യാത്രികരുടെ പരുക്ക് സാരമുള്ളതല്ല. കാറിന്‍റെ മുൻ വശം തകർന്നിട്ടുണ്ട്. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/LwxQCnE4tEd45HaJUZ6lxl