കൽപ്പറ്റ: യുവതിയുടെ കുളിമുറി ദൃശ്യം മൊബൈൽ ഫോണിൽ പകർത്താൻ ശ്രമിച്ച യുവാവ് പിടിയിൽ. കണിയാരം മെറ്റിയാരകുന്നേല്‍ ശരണ്‍പ്രകാശ് (25) ആണ് അറസ്റ്റിലായത്. ബുധനാഴ്ച വൈകുന്നേരം ഏഴ് മണിയോടെയായിരുന്നു സംഭവം. മാനന്തവാടിയിലെ ഒരു വ്യാപാര സ്ഥാപനത്തിലെ ജോലിക്കാരിയായിരുന്നു യുവതി.
പതിവ് പോലെ ജോലി കഴിഞ്ഞ് വീട്ടിലെത്തി കുളിക്കാൻ കുളിമുറിയിൽ കയറിയപ്പോഴാണ് കുളിമുറിയിൽ മൊബൈൽ ഫോൺ കണ്ടെത്തിയത്. യുവതി ബഹളം വച്ചതോടെ ശരണ്‍പ്രകാശ് ഓടി രക്ഷപ്പെട്ടു. തുടർന്ന് പൊലീസിനെ വിവരം അറിയിക്കുകയായിരുന്നു.
മാനന്തവാടി പൊലീസ് നടത്തിയ അന്വേഷണത്തില്‍ രാത്രി പത്തോടെ പ്രതി പിടിയിലായി. ശാസ്ത്രീയ പരിശോധനക്കായി മൊബൈൽ ഫോൺ കസ്റ്റഡിയിലെടുത്തിട്ടുണ്ട്. ഐടി നിയമപ്രകാരമാണ് ശരണ്‍ പ്ര കാശിന്‍റെ പേരില്‍ കേസെടുത്തിട്ടുള്ളത്.
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: