ഒരു വിധം സൗന്ദര്യം സംരക്ഷിച്ചു വരുമ്പോഴാണ് പലർക്കും മുഖക്കുരു വില്ലനാകുന്നത്. കൗമാര പ്രായക്കാർക്കാണ് മുഖക്കുരു കൂടുതലായി കണ്ടു വരുന്നത്. അത്ര പ്രശ്‌നക്കാരല്ലെങ്കിലും മുഖക്കുരു സൗന്ദര്യ സംരക്ഷണത്തിന് വെല്ലുവിളിയായിട്ടാണ് പലരും കരുതുന്നത്. അതേസമയം നമ്മുടെ ചില ശീലങ്ങൾ മുഖക്കുരുവിനു കാരണമാകാം.
മുഖത്തെ രോമം നീക്കം ചെയ്യുക
മുഖത്തെ രോമം നീക്കം ചെയ്യുന്നത് ചിലപ്പോൾ മുഖക്കുരുവിന് കാരണമാകും. രോമം നീക്കം ചെയ്‌തതിന്‌ ശേഷം ഉണ്ടാകുന്ന ചൊറിച്ചിലിലൂടെ മുഖത്ത് തടിപ്പുണ്ടാകും. ചർമത്തിന്‍റെ തരം അനുസരിച്ചാണ് ഓരോ പ്രശ്‌നങ്ങളും ഉണ്ടാവുക.
ഹെയർ കെയർ ഉൽപ്പന്നങ്ങൾ
ചില ഹെയർ കെയർ ഉൽപ്പന്നങ്ങൾ മുഖക്കുരുവിനു കാരണമാകാം. അവ പോമെഡ് മുഖക്കുരു എന്ന് അറിയപ്പെടുന്നു. ഈ ഉൽപ്പന്നങ്ങൾ മുഖക്കുരുവിന് കാരണമാകുന്ന ബാക്റ്റീരിയകളെ ചർമത്തിന്‍റെ പാളികളിൽ തടഞ്ഞു നിർത്തുകയും മുഖക്കുരു വർധിപ്പിക്കുകയും ചെയ്യും. സുഷിരങ്ങൾ അടഞ്ഞ് നെറ്റിയിലും മുടിയിഴകൾക്കിടയിലും കുരുക്കൾ ഉണ്ടാകുന്നു.
വരണ്ട ചർമത്തെ പരിപാലിക്കുക
എണ്ണമയമുള്ള ചർമക്കാരിൽ മാത്രമല്ല വരണ്ട ചർമക്കാർക്കും മുഖക്കുരു ഉണ്ടായേക്കാം. ചർമം വളരെ അധികം വരണ്ടാൽ അത് ചർമം പൊട്ടുന്നതിന് ഇടയാകും. മുഖക്കുരുവിന് കാരണമാകുന്ന ബാക്ടീരിയകൾ ഈ വിള്ളലുകളിൽ പെരുകുകയും അങ്ങനെ മുഖക്കുരു ഉണ്ടാകുകയും ചെയ്യും.
സംസ്‌കരിച്ച ഭക്ഷണം
സംസ്‌കരിച്ച ഭക്ഷണം അമിതമായി കഴിക്കുന്നത് ചർമത്തിന് നല്ലതല്ല. ഇത് ഇൻസുലിൻ അളവ് വർധിപ്പിക്കുകയും മെറ്റബോളിസം താറുമാറാക്കുകയും ചെയ്യും. മുഖക്കുരുവിന് ഇത് കാരണമാകും. ആരോഗ്യകരമായ ചർമ്മം നിലനിർത്താൻ പച്ചക്കറികൾ, പോഷക സമൃദ്ധമായ ഭക്ഷണം എന്നിവ കഴിക്കുക. ചിപ്‌സ്, ചോക്കലേറ്റ്, സ്‌നാക്‌സ്, ജങ്ക് ഫുഡ് എന്നിവ അമിതമായി കഴിക്കുന്നതാകാം ചിലരിലെ മുഖക്കുരുവിന്‍റെ കാരണം.
സ്‌കിൻ കെയർ ഉൽപ്പന്നങ്ങൾ
സ്‌കിൻ കെയർ ഉൽപ്പന്നങ്ങൾ അമിതമായി ഉപയോഗിക്കുന്നതും മുഖക്കുരുവിന് കാരണമാകും. ഉൽപ്പന്നങ്ങൾ മാറി മാറി ഉപയോഗിക്കാതെ നിങ്ങളുടെ ചർമത്തിന് അനുയോജ്യമായ ഉൽപ്പന്നങ്ങൾ തെരഞ്ഞെടുത്ത് സ്ഥിരമായി അവ ഉപയോഗിക്കുക.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/GJaKOlvs1xxHPZvUgAJSae
Post A Comment: