അശ്ലീല ഫോട്ടോഷൂട്ട്; സ്ത്രീകൾ അടക്കമുള്ളവരെ നാടുകടത്താൻ യുഎഇ

ദുബൈ: കെട്ടിടത്തിന്‍റെ ബാൽക്കണിയിൽ നിന്നും അശ്ലീല വീഡിയോ ഷൂട്ട് നടത്തിയ യുവതികളെ നാടുകടത്താനൊരുങ്ങി യുഎഇ. പത്തിലധികം സ്ത്രീകളാണ് അശ്ലീല ഷൂട്ടിന്‍റെ പേരിൽ അറസ്റ്റിലായിരിക്കുന്നത്. ഇവരെ നാടു കടത്തുമെന്ന് ദുബൈ അറ്റോർണി ജനറൽ ഇസ്ലാം ഇസ അൽ ഹുമൈദാൻ അറിയിച്ചു. 

ഇതിനുള്ള നടപടികൾ പബ്ലിക് പ്രോസിക്യൂഷൻ പൂർത്തീകരിച്ചിട്ടുണ്ട്. കഴിഞ്ഞ ദിവസങ്ങളാണ് സ്ത്രീകളുടെ അശ്ലീല ഷൂട്ട് സോഷ്യൽ മീഡിയയിലെത്തിയത്. വളരെ വേഗം ഇവ വൈറലാകുകയും ചെയ്‌തു. കെട്ടിടത്തിന്‍റെ ബാൽക്കണിയിൽ തമ്പടിച്ച സ്ത്രീകൾ അൽപ വസ്ത്രം ധരിച്ച് ഫോട്ടോയ്ക്കും വീഡിയോയ്ക്കും പോസ് ചെയ്യുന്നതായിരുന്നു സോഷ്യൽ മീഡിയയിൽ പ്രചരിച്ച ദൃശ്യം.

 ഇവ യുഎഇ നിയമങ്ങൾക്ക് വിരുദ്ധമാണെന്ന് ദുബൈ മീഡിയ ഓഫീസ് ട്വീറ്റ് ചെയ്‌തിരുന്നു. ശനിയാഴ്ച്ചയാണ് സംഭവുമായി ബന്ധപ്പെട്ട സ്ത്രീകൾ അടക്കമുള്ളവരെ അറസ്റ്റ് ചെയ്‌തത്. ഇക്കാര്യത്തിൽ കൂടുതൽ വിശദീകരണത്തിനില്ലെന്നും ദുബൈ പൊലീസ് അറിയിച്ചിട്ടുണ്ട്. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/GI2hVOqWn9EJitAmn9RGLP