ശ്രീനഗര്: മഞ്ഞ് വീഴ്ച്ചയെ തുടർന്ന് വഴി മുടങ്ങിയതോടെ പൂർണ ഗർഭിണിയായ യുവതിയെ ചുമന്ന് ആശുപത്രിയിലെത്തിച്ച് സൈനികർ. ഷമീമ എന്ന യുവതിയെ ആണ് നൂറോളം സൈനികരും മുപ്പതോളം പ്രദേശവാസികളും ചേര്ന്ന് നാല് മണിക്കൂറോളം ചുമന്ന് ആശുപത്രിയില് എത്തിച്ചത്.
ഇന്ത്യന് ആര്മിയുടെ ചിനാര് കോര്പ്ട് ട്വിറ്റര് പേജിലൂടെയാണ് വീഡിയോ പുറത്ത് വന്നിരിക്കുന്നത്. കനത്ത് മഞ്ഞ് വീഴ്ചയെ തുടര്ന്ന് ഗതാഗതം തടസപ്പെട്ടതിനെ തുടര്ന്നാണ് സൈനികരും പ്രദേശവാസികളും ചേര്ന്ന് യുവതിയെ ചുമന്ന് ആശുപത്രയിലെത്തിച്ചതെന്നാണ് ദൃശ്യങ്ങളില് നിന്ന് മനസിലാവുന്നത്.
യുവതി പ്രസവിച്ചുവെന്നും അമ്മയും കുട്ടിയും സുഖമായി ഇരിക്കുന്നുവെന്നും ചിനാര് കോര്പ്സിന്റെ ട്വീറ്ററില് വ്യക്തമാക്കുന്നുണ്ട്. ചൊവ്വാഴ്ച രാത്രി പത്ത് മണിയോടെയാണ് ട്വിറ്ററില് പോസ്റ്റ് ചെയ്തിരിക്കുന്നത്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: