ഫഹദ് ഫാസില്‍ നായകനാകുന്ന ചിത്രം മാലിക്കിന്‍റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. മലയാളത്തിന്‍റെ സൂപ്പര്‍ താരങ്ങളായ മമ്മൂട്ടിയും മോഹന്‍ലാലും തങ്ങളുടെ സോഷ്യല്‍ മീഡിയ പേജുകളിലൂടെയാണ് പോസ്റ്റര്‍ പുറത്തിറക്കിയത്. പിന്നാലെ ടൊവിനോ തോമസും പോസ്റ്റര്‍ പങ്കുവച്ചിട്ടുണ്ട്.ടേക്ക് ഓഫ് സംവിധായകന്‍ മഹേഷ് നാരായണനാണ് മാലിക്ക് ഒരുക്കുന്നത്. ആന്‍റോ ജോസഫാണ് ചിത്രം നിര്‍മ്മിക്കുന്നത്. ചിത്രത്തിനായി ഗംഭീര മേക്ക് ഓവറാണ് ഫഹദ് നടത്തിയിരിക്കുന്നത്. ശരീരഭാരം നന്നെ കുറച്ച ഫഹദിന്‍റെ ചിത്രങ്ങള്‍ നേരത്തെ സോഷ്യല്‍ മീഡിയയില്‍ വെെറലായിരുന്നു.
ആകാംഷ നല്‍കുന്നതാണ് ഫസ്റ്റ് ലുക്ക് പോസ്റ്റര്‍. ഫഹദിന്‍റെ സോള്‍ട്ട് ആന്‍റ് പെപ്പര്‍ ലുക്കും തീക്ഷ്ണമായ നോട്ടവുമാണ് പോസ്റ്ററിലുള്ളത്. കടലിന്‍റേയും കരയുടേയും പശ്ചാത്തലത്തിലാണ് പോസ്റ്റര്‍ അവതരിപ്പിച്ചിരിക്കുന്നത്. സഞ്ജു ജോണ്‍ വര്‍ഗ്ഗീസാണ് ചിത്രത്തിന്‍റെ ഛായാഗ്രഹണം. സുഷിന്‍ ശ്യാമിന്‍റേതാണ് സംഗീതം. മഹേഷ് നാരായണന്‍ തന്നെയാണ് തിരക്കഥയുമൊരുക്കിയത്. പൊളിറ്റിക്കല്‍ ത്രില്ലറാണ് മാലിക്ക്. 30 കോടിയോളം പണംമുടക്കിയൊരുക്കുന്ന ചിത്രത്തില്‍ ജോജു ജോര്‍ജ്, ദിലീഷ് പോത്തന്‍, വിനയ് ഫോര്‍ട്ട്, ജലജ തുടങ്ങിയവരും അഭിനയിച്ചിട്ടുണ്ട്. ഹോളിവുഡ് ആക്ഷന്‍ കൊറിയോഗ്രാഫര്‍ ലീ വിറ്റാക്കറാണ് മാലിക്കിലെ സംഘട്ടന രംഗങ്ങള്‍ ഒരുക്കുന്നത്.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: