തിരുവനന്തപുരം: ബഡായി ബംഗ്ലാവ് എന്ന കോമഡി പ്രോഗ്രാമിലൂടെയാണ് ആര്യ ശ്രദ്ധേയയാകുന്നത്. പിന്നീട് സിനിമകളിലും മുഖം കാണിച്ച ആര്യ ഇപ്പോൾ തിരക്കേറിയ താരമാണ്. ഇതിനിടെയാണ് ഏഷ്യാനെറ്റിലെ ബിഗ് ബോസ് റിയാലിറ്റി ഷോയിൽ ആര്യ എത്തിയിരിക്കുന്നത്. ആദ്യ വിവാഹം വേർപെടുത്തിയ ആര്യ ബിഗ് ബോസിൽ തന്‍റെ വിവാഹ മോചനത്തെ കുറിച്ച് വിവരിച്ചിരിക്കുകയാണ്.
തന്‍റെ പിഴവാണ് ദാമ്പത്യ ബന്ധം തകരാൻ കാരണമെന്നും ആര്യ പറയുന്നു. "ആ ലൈഫ് അങ്ങനെ ആയിപ്പോയതതാണ്. ഞങ്ങള്‍ക്കിടയില്‍ തെറ്റിധാരണകളൊക്കെ ഉണ്ടായിട്ടുണ്ട്. വേര്‍പിരിയലിന്‍റെ സമയത്ത് പലരും ചോദിച്ചിട്ടുണ്ട്, നിങ്ങള്‍ എന്തുകൊണ്ട് കുട്ടിയെക്കുറിച്ച് ഓര്‍ക്കുന്നില്ലെന്ന്. എന്നാല്‍ ഞങ്ങള്‍ ചിന്തിച്ചത് മറ്റൊരു രീതിയില്‍ ആയിരുന്നു. എന്നും തല്ല് കൂടി ഒരേ മുറിയില്‍ കഴിയുന്ന അഛനെയും അമ്മയെയും കണ്ട് വളരുന്നതിനേക്കാള്‍ രണ്ടിടത്താണെങ്കിലും സന്തോഷത്തോടെ കഴിയുന്ന അച്ഛനെയും അമ്മയെയും അവള്‍ കാണട്ടെ എന്ന് ഞങ്ങള്‍ കരുതിയെന്നും ആര്യ പറയുന്നു.
ഒൻപതാം ക്ലാസ് മുതൽ പ്രണയിച്ച ആളെയാണ് പിന്നീട് ആര്യ വിവാഹം ചെയ്തത്. ഇക്കാര്യവും ആര്യ തുറന്നു പറഞ്ഞു. പത്താം ക്ലാസിലെത്തിയപ്പോള്‍ ഞങ്ങള്‍ രണ്ടുപേരും പ്രണയം വീട്ടില്‍ അവതരിപ്പിച്ചു. ബിഎ സാഹിത്യം പഠിക്കാന്‍ ചേര്‍ന്ന് ഒരു വര്‍ഷം പൂര്‍ത്തിയാക്കും മുന്‍പ് വിവാഹം നടന്നു. പതിനെട്ടാം വയസിലായിരുന്നു കല്യാണം. ഭര്‍ത്താവ് അപ്പോള്‍ ജോലിക്ക് കയറിയിട്ടേ ഉണ്ടായിരുന്നുള്ളൂ. സാമ്പത്തികമായി ഞങ്ങള്‍ രണ്ടുപേരും സെറ്റില്‍ഡ് ആയിരുന്നില്ല. സ്വന്തമായി വരുമാനം കണ്ടെത്തേണ്ടത് അപ്പോള്‍ ആവശ്യമായിരുന്നു. അങ്ങനെ മോഡലിങ് തുടങ്ങി. പിന്നീട് പരസ്യങ്ങളും സീരിയലുകളും ചെയ്തു. 2012ല്‍ ഒരു മകള്‍ ജനിച്ചു. ഞാന്‍ അവതരിപ്പിച്ച ഒരു സ്‌കിറ്റ് കണ്ടിട്ടാണ് "ബഡായി ബംഗ്ലാവി'ലേക്ക് ക്ഷണം ലഭിക്കുന്നതെന്നും ആര്യ പറഞ്ഞു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: