നോയിഡ: ഡ്രൈവിങ്ങിനിടെ മൂത്രമൊഴിക്കാൻ റോഡരികിൽ നിർത്തിയ തക്കത്തിന് ആഡംബര കാർ തട്ടിയെടുത്ത് മോഷ്ടാക്കൾ മുങ്ങി. ഉത്തർപ്രദേശിലെ സെക്റ്റർ 90 ൽ വെച്ച് ഋഷഭ് അറോറ എന്ന സ്റ്റോക്ക് ബ്രോക്കറുടെ വാഹനമാണ് മോഷ്ടാക്കള് തട്ടിയെടുത്തത്.
രാത്രിയിൽ പാർട്ടി കഴിഞ്ഞ് ഭാര്യയുടെ സഹോദരന്റെ ബിഎംഡബ്ല്യൂ കാറിൽ മടങ്ങി വരികയായിരുന്നു ഋഷഭ്. തുടർന്ന് മൂത്രം ഒഴിക്കാനായി റോഡിനരികിൽ നിർത്തി ഇറങ്ങിയതോടെ ബൈക്കിൽ എത്തിയ മോഷ്ടാക്കൾ തോക്കു ചൂണ്ടി ഭീഷണിപ്പെടുത്തി വാഹനവുമായി കടന്നു കളയുകയായിരുന്നു. ഈ സമയം താൻ മദ്യപിച്ചിരുന്നതായി ഋഷഭ് പൊലീസിനോട് സമ്മതിച്ചു.
സംഭവത്തിന് പിന്നിൽ കാറിന്റെ ഉടമയെ പരിചയമുള്ള വ്യക്തികളാണെന്ന് സംശയിക്കുന്നതായി ഋഷഭ് പൊലീസിനോട് പറഞ്ഞു. വാഹനത്തിന് 40 ലക്ഷത്തോളം രൂപ വായ്പ അടയ്ക്കാനുണ്ട്. സംഭവത്തിൽ കേസെടുത്തു. വിശദമായ അന്വേഷണം തുടങ്ങിയതായി പൊലീസ് പറഞ്ഞു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: