ന്യൂഡൽഹി: കോവിഡിനെ നേരിടാൻ അതീവ ജാഗ്രത തുടരവെ പ്രധാനമന്ത്രി നരേന്ദ്രമോദി ഇന്ന് രാത്രി എട്ടിന് രാജ്യത്തെ അഭിസംബോധന ചെയ്ത് സംസാരിക്കും. വരും ദിവസങ്ങളിൽ സ്വീകരിക്കേണ്ട മുൻകരുതൽ സംബന്ധിച്ച് പ്രധാനമന്ത്രി നിർദേശം നൽകുമെന്നാണ് സൂചന. നിലവിലെ സ്ഥിതിഗതികൾ പ്രധാനമന്ത്രി വിശദീകരിക്കും.
കോവിഡ് 19 കൂടുതൽ ഗുരുതരമായ സ്ഥിതിയിലെത്തിയതോടെയാണ് രാജ്യത്തെ അഭിസംബോധന ചെയ്യുന്നതെന്ന് പ്രധാനമന്ത്രിയുടെ ട്വീറ്റിൽ വ്യക്തമാക്കുന്നു. ഇതുകൂടാതെ ചില സുപ്രധാന പ്രഖ്യാപനങ്ങളും പ്രധാനമന്ത്രി നടത്തിയേക്കുമെന്നാണ് സൂചന. ഇക്കഴിഞ്ഞ വ്യാഴാഴ്ച രാജ്യത്തെ അഭിസംബോധന ചെയ്ത പ്രധാനമന്ത്രി മാർച്ച് 22 ഞായറാഴ്ച ജനത കർഫ്യൂ ആചരിക്കണമെന്ന് ആവശ്യപ്പെട്ടിരുന്നു.
ഇതൂകൂടാതെ അന്നേദിവസം എല്ലാവരും കൈകൊട്ടിയും പാത്രങ്ങൾ കൂട്ടിമുട്ടിയും ആരോഗ്യപ്രവർത്തകർക്ക് നന്ദി രേഖപ്പെടുത്തണമെന്നും പ്രധാനമന്ത്രി നിർദ്ദേശിച്ചിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: