ജയ്‌പൂർ: ട്രക്കും ജീപ്പും കൂട്ടിയിടിച്ചുണ്ടായ അപകടത്തിൽ രാജസ്ഥാനിൽ 11 മരണം. മൂന്നു പേർക്ക് പരുക്കേറ്റു. ഒരു കുട്ടിയും ആറ് സ്ത്രീകളും അടക്കമുള്ളവരാണ് മരിച്ചത്. രാജസ്ഥാനിലെ ജോധ്പൂരിൽ ബലോത്ര-ഫലോഡി ഹൈവേയിലുള്ള ഷെര്‍ഗാ ഏരിയയിലാണ് ശനിയാഴ്ച്ച രാവിലെ അപകടമുണ്ടായത്.
സംഭവത്തിൽ രാജസ്ഥാൻ മുഖ്യമന്ത്രി അശോക് ഗലോട്ട് അനുശോചനം പ്രകടിപ്പിച്ചു. "ജോധ്പൂരിലെ ഷെര്‍ഗ പ്രദേശത്തെ ബലോത്ര-ഫലോഡി മെഗാ ഹൈവേയില്‍ 11 പേര്‍ക്ക് ജീവൻ നഷ്ടമായതിൽ അതിയായ ദുഃഖം രേഖപ്പെടുത്തി. പ്രിയപ്പെട്ടവരേ നഷ്ടപ്പെട്ടവർക്ക് എന്‍റെ അനുശോചനം അറിയിക്കുന്നു. ഈ നഷ്ടം സഹിക്കാൻ ദൈവം അവർക്ക് ശക്തി നൽകട്ടെ. പരിക്കേറ്റവർ വേഗം സുഖം പ്രാപിക്കട്ടെ." മുഖ്യമന്ത്രി ട്വീറ്റ് ചെയ്‌തു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: