മദ്യപിച്ച് പൊതുനിരത്തിൽ നൃത്തം ചെയ്ത് പൊലീസുകാർ. തെലങ്കാന പൊലീസിലെ ഉദ്യോഗസ്ഥരാണ് പാമ്പ് നൃത്തം ചെയ്ത് വാർത്തകളിൽ ഇടം പിടിച്ചിരിക്കുന്നത്. സഹപ്രവർത്തകരായ പൊലീസുകാരന്റെ വിവാഹത്തിന് എത്തിയതായിരുന്നു ഇവർ. കാറിൽ പാട്ട് വെച് വിവാഹവേദിയോട് ചേർന്നുള്ള പറമ്പിലായിരുന്നു മദ്യപാനവും നൃത്തവും. വിഡിയോയിൽ രണ്ടു പേരുടെ കയ്യിൽ മദ്യകുപ്പികൾ കാണാം. അസിസ്റ്റന്റ് സബ് ഇൻസ്പെക്ടർ ബാലുസ്വാമി, കോൺസ്റ്റബിൾമാരായ അശോക് റെഡ്ഡി, അമർനാഥ്, ചന്ദ്രമോഹൻ, വെങ്കിടേഷ് ഗൗഡ്, കൃഷ്ണ റെഡ്ഡി എന്നിവരാണ് വീഡിയോയിലെ പൊലീസുകാർ.
പൊലീസുകാരെ അനുകൂലിച്ചും വിമർശിച്ചും സമൂഹ മാധ്യമങ്ങളിൽ വാദങ്ങൾ ഉയർന്നു. ഡ്യൂട്ടിയിലോ, യൂണിഫോമിലോ യൂണിഫോമിലോ അല്ലാത്ത ഉദ്യോഗസ്ഥർ മദ്യപിക്കുന്നതും ആഘോഷിക്കുന്നതും സമൂഹത്തെ ബാധിക്കുന്നതല്ല എന്നാണ് ചിലരുടെ അഭിപ്രായം. അവരും മനുഷ്യരാണെന്നും സന്തോഷം കണ്ടെത്താൻ അവകാശമുണ്ടെന്നും ഇക്കൂട്ടർ അഭിപ്രായപ്പെടുന്നു.
എന്നാൽ ഇതേ സ്ഥാനത്ത് സാധാരണക്കാരെ കണ്ടാൽ പൊലീസുകാർ എങ്ങനെയായിരിക്കും പെരുമാറുക എന്ന ചോദ്യമാണ് ചിലർ ഉന്നയിക്കുന്നത്. യൂണിഫോമിൽ അല്ലെങ്കിലും പൊലീസുകാർ മാതൃകാപരമായി പെരുമാറണമെന്നാണ് ചിലരുടെ വാദം. പൊലീസുകാരോടുള്ള ബഹുമാനം നഷ്ടപ്പെടാൻ ഇത്തരം പ്രവൃത്തികള് കാരണമാകുമെന്നും ഇക്കൂട്ടർ വാദിക്കുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: