കൊച്ചി: പൃഥ്‌വിരാജ് ചിത്രം കോൾഡ് കേസിനു പിന്നാലെ പ്രേക്ഷകർ കാത്തിരിക്കുന്ന ഫഹദ് ഫാസിൽ ചിത്രം മാലിക്കും ആമസോൺ പ്രൈം റിലീസിന്. ജൂലൈ 15 മുതൽ ചിത്രം ആമസോൺ പ്രൈമിൽ ലഭ്യമാകും. പൃഥ്‌വിരാജ് ചിത്രം കോൾഡ് കേസ് ആമസോണിൽ ഹിറ്റായിരുന്നു.
മാലിക്കിൽ ഫഹദ് ഫാസിൽ, നിമിഷ സജയൻ, ജോജു ജോർജ്, വിനയ് ഫോർട്ട്, ദിലീഷ് പോത്തൻ തുടങ്ങിയവരാണ് വേഷമിടുന്നത്. മഹേഷ് നാരായണന്‍റെ സംവിധാനത്തിൽ ഒരുങ്ങുന്ന ചിത്രത്തിന്‍റെ തിരക്കഥയും എഡിറ്റിങും അദ്ദേഹം തന്നെയാണ് നിർവഹിച്ചിരിക്കുന്നത്.
27 കോടിയോളം മുതൽ മുടക്കുള്ള ചിത്രം ആന്‍റോ ജോസഫ് ഫിലിം കമ്പനിയാണ് നിർമിച്ചിരിക്കുന്നത്. ടേക്ക് ഓഫിന് ശേഷം സാനു ജോണ്‍ വര്‍ഗീസ് മഹേഷ് നാരായണന് വേണ്ടി ഫ്രെയിമുകള്‍ ഒരുക്കുന്നു. സംഗീതം ഒരുക്കിയിരിക്കുന്നത് സുഷിന്‍ ശ്യാമാണ്. ഓടിടി പ്ലാറ്റ്‌ഫോമിലൂടെ റിലീസിനെത്തുന്ന ഫഹദിന്‍റെ നാലാമത്തെ ചിത്രമാണ് മാലിക്. സീ യൂ സൂൺ, ജോജി, ഇരുൾ എന്നിവയും ഓടിടി പ്ലാറ്റ്‌ഫോമുകളിലൂടെയാണ് റിലീസ് ചെയ്‌തത്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/Emj3wFkoUOzGh0SK1sWsHp
Post A Comment: