നോയിഡ: സഹോദരിയെ പീഡിപ്പിച്ച് ഗർഭിണിയാക്കിയ സംഭവത്തിൽ 12 കാരൻ പിടിയിൽ. നോയിഡയിലാണ് ഞെട്ടിക്കുന്ന സംഭവം ഉണ്ടായിരിക്കുന്നത്. 12 കാരനെ കസ്റ്റഡിയിലെടുത്ത പൊലീസ് ചോദ്യം ചെയ്‌തു വരികയാണ്. നാല് വയസിനു മൂത്ത സഹോദരിയാണ് പീഡിപ്പിക്കപ്പെട്ടത്. ജോലി ചെയ്യുന്ന സ്ഥാപനത്തിലെ ആളുകളാണ് യുവതി ഗർഭിണിയാണെന്ന് കണ്ടെത്തിയത്.
തുടർന്ന് ഇവർ ചൈൽഡ് ലൈനു വിവരം കൈമാറുകയായിരുന്നു. തുടർന്ന് അന്വേഷണം നടത്തിയ ചൈൽഡ് ലൈനാണ് സഹോദരന്‍റെ ക്രൂരത പുറത്തുകൊണ്ടുവന്നത്. യുവതി അമ്മയോടൊപ്പം വീട്ടുജോലികൾക്ക് പോകാറുണ്ടായിരുന്നു. ഇതിനാൽ ഇത്തരത്തിൽ ജോലിക്ക് പോയ വീടുകളിലെ ആരെങ്കിലുമാണോ പീഡിപ്പിച്ചതെന്നായിരുന്നു ആദ്യം സംശയിച്ചിരുന്നത്.
ഇക്കാര്യം മനസിലാക്കാൻ കുട്ടിയെ കൗൺസിലിങ്ങിനു വിധേയയാക്കിയപ്പോഴാണ് സഹോദരൻ തന്നെ രണ്ട് മാസം മുമ്പ് ലൈംഗികമായി പീഡിപ്പിച്ച വിവരം യുവതി തുറന്നു പറയുന്നത്. അഞ്ച് മക്കളാണ് വീട്ടിലുള്ളത്.
യുവതി രണ്ടാമത്തെ കുട്ടിയാണ്. പീഡിപ്പിച്ച സഹോദരൻ മൂന്നാമനും. ഏഴാം ക്ലാസ് വിദ്യാഭ്യാസം മാത്രമേ കുട്ടിക്കുണ്ടായിരുന്നുള്ളു. സഹോദരൻ ഉപദ്രവിക്കുന്നതായി കുട്ടി അമ്മയോട് പറഞ്ഞിരുന്നുവെങ്കിലും അവർ അത് കാര്യമായി എടുത്തിരുന്നില്ല. പെൺകുട്ടിയെ ഇപ്പോൾ ജുവനൈൽ ഹോമിലേക്ക് മാറ്റി.
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: