മുംബൈ: സിംഹങ്ങൾ കൂട്ടത്തോടെ തെരുവിലിറങ്ങിയതിന്‍റെ ഭീതിയിലാണ് ഗുജറാത്ത്. അമ്രേലിയിലെ പിപാവവ് ജെട്ടി റോഡിലായിരുന്നു സിംഹങ്ങളുടെ കൂട്ട സവാരി നടന്നത്. രണ്ട് കുഞ്ഞുങ്ങൾ ഉൾപ്പെടെയുള്ള വലിയൊരു സിംഹ കൂട്ടം തെരുവിലൂടെ നടന്നു പോകുകയായിരുന്നു. സംഭവത്തിന്‍റെ വീഡിയോ സമീപവാസികൾ പകർത്തുകയും ചെയ്‌തു. ഓൾഡ് ബോംബെ എന്ന പേജിൽ നിന്നാണ് വീഡിയോ ട്വിറ്ററിൽ ഷെയർ ചെയ്‌തിരിക്കുന്നത്‌.
ഭക്ഷണം തേടിയാവാം സിംഹങ്ങൾ റോഡിലിറങ്ങിയതെന്നാണ് കരുതുന്നത്. ഏഷ്യാറ്റിക് സിംഹങ്ങളുടെ ഏക ആവാസ കേന്ദ്രമായ പ്രശസ്‌തമായ ഗിർ വനങ്ങൾ ഗുജറാത്തിലെ അമ്രേലി ജില്ലയിലാണ്. ദേശിയ ഉദ്യാനങ്ങളിൽ ഒരുപാട് വിനോദ സഞ്ചാരികളെത്താറുണ്ട് എങ്കിലും അവ ഈ വർഷം മേയ് മുതൽ അടച്ചിരിക്കുകയാണ്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: