വിവാഹ ഫോട്ടോഗ്രാഫി കൊഴുപ്പിക്കാൻ വേദിയിൽ സിംഹകുട്ടി; പുലിവാല് പിടിച്ച് സ്റ്റുഡിയോ നടത്തിപ്പുകാർ

വിവാഹ ഫോട്ടോ ഷൂട്ട് കൊഴുപ്പിക്കാൻ എന്തും ചെയ്യുന്നതാണ് പുതുതലമുറയുടെ രീതി. എന്നാൽ ഫോട്ടോഷൂട്ട് വൈറലാക്കാൻ സിംഹത്തിനെ തന്നെ കൂട്ടുപിടിച്ച ദമ്പതികൾ വേറെ ഉണ്ടാവാൻ വഴിയില്ല.   

പാകിസ്ഥാനിലെ ലാഹോറിലാണ് സംഭവം. ഫോട്ടോഗ്രാഫി ടീമാണ് സിംഹത്തിനെ വിവാഹ വേദിയിലെത്തിക്കാമെന്നുള്ള ആശയം മുന്നോട്ട് വച്ചത്. ലാഹോറിലെ അഫ്‌സൽ സ്റ്റുഡിയോ തന്നെ സിംഹക്കുട്ടിയെ ഏർപ്പാടാക്കി. സിംഹം ആക്രമിക്കാതിരിക്കാൻ മയക്കി കിടത്തിയാണ് ഫോട്ടോഷൂട്ട് നടത്തിയത്. പ്രതീക്ഷിച്ചതുപോലെ വിവാഹചിത്രങ്ങളും വിഡിയോകളും വൈറൽ.

@PunjabWildlife does your permit allow for a lion cub to be rented out for ceremonies?Look at this poor cub sedated and being used as a prop.This studio is in Lahore where this cub is being kept.Rescue him please pic.twitter.com/fMcqZnoRMd

— save the wild (@wildpakistan) March 7, 2021

എന്നാൽ വ്യജീവിയെ ഇത്തരത്തിൽ ഉപയോഗിച്ചതിനെതിരെ വിമർശനവും ഉയർന്നു. സിംഹത്തിന്‍റെ ആരോഗ്യത്തെപ്പറ്റി ആശങ്ക പ്രകടിപ്പിച്ച വൈൽഡ് ലൈഫ് പ്രവർത്തകരിൽ‌ നിന്നും ജനങ്ങളിൽ നിന്നും പ്രതിഷേധമുയർന്നതോടെ സ്റ്റുഡിയോ വെട്ടിലായി. പാകിസ്ഥാനിൽ വന്യജീവികളെ സംരക്ഷിക്കുന്നതിനായി പ്രവർത്തിക്കുന്ന നോൺ-പ്രോഫിറ്റ് സംഘടനയായ 'സേവ് ദി വൈൽഡ്', ഫോട്ടോഷൂട്ടിന്‍റെ ഒരു ചെറിയ വീഡിയോ ട്വിറ്ററിൽ പങ്കുവെക്കുകയും ചെയ്‌തു.

 

ഇൻസ്റ്റാഗ്രാമിൽ 1,20,000 ഫോളോവേഴ്‌സ് ഉള്ള സ്റ്റുഡിയോ അഫ്‌സൽ #SherdiRani (സിംഹ രാജ്ഞി) എന്ന ഹാഷ്ടാഗിൽ സിംഹത്തിന്‍റെ ചിത്രങ്ങൾ കഴിഞ്ഞ കുറച്ച് ദിവസങ്ങളായി പോസ്റ്റ് ചെയ്യുന്നുണ്ടായിരുന്നു. വ്യാപകമായ പ്രതിശേഷം ഉയർന്നതോടെ ഈ ചിത്രങ്ങൾ നീക്കി. ഏറ്റവും പുതിയ റിപ്പോർട്ടുകൾ പ്രകാരം, ജെ‌എഫ്‌കെ അനിമൽ റെസ്ക്യൂ ആൻഡ് ഷെൽട്ടർ എന്ന സംഘടന ഇപ്പോൾ സ്റ്റുഡിയോയ്‌ക്കെതിരായ നിയമനടപടികൾ പരിഗണിക്കുന്നുണ്ട്.

വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ..

https://chat.whatsapp.com/EXQMlwDgDmC55kywJLF9pj