കോട്ടയം: സൂപ്പർ താര ചിത്രങ്ങളിൽ ബാലതാരമായെത്തിയ നടിയുടെ മോർഫ് ചെയ്ത ചിത്രങ്ങൾ സോഷ്യൽ മീഡിയയിൽ പ്രചരിച്ച സംഭവത്തിനു പിന്നിൽ ഒരുകൂട്ടം യുവാക്കളെന്ന് പൊലീസ്. സംഭവത്തിൽ അന്വേഷണം വ്യാപിപ്പിച്ചതായിട്ടാണ് വിവകരം. മോഹൻലാൽ, പൃഥ്വിരാജ് അടക്കമുള്ള സൂപ്പർതാര ചിത്രങ്ങളിൽ ശ്രദ്ധേയ വേഷം കൈകാര്യം ചെയ്ത ബാല താരം ഇപ്പോൾ മിനി സ്ക്രീനിലും സജീവമാണ്.
ടെലഗ്രാമിലൂടെ സുഹൈൽ സലിം എന്ന പ്രൊഫൈലിൽനിന്നു ബാലതാരത്തിന്റെ അശ്ലീലമായി മോർഫ് ചെയ്ത ചിത്രങ്ങൾ പ്രചരിപ്പിച്ചത്. കോട്ടയം സ്വദേശിയും സംവിധായകനുമായ റിയാസ് മുഹമ്മദ് ആദ്യമായി സംവിധാനം ചെയ്യുന്ന സിനിമയിലും താരം അഭിനയിക്കുന്നുണ്ട്. സിനിമയുടെ പ്രവർത്തകനെ ടെലഗ്രാമിലൂടെ പരിചയപ്പെട്ട യുവാവ് ബാലതാരത്തെ അപമാനിച്ചു സംസാരിക്കുകയും ചിത്രങ്ങൾ പ്രചരിപ്പിക്കുകയുമായിരുന്നു.
വിവരം ശ്രദ്ധയിൽപെട്ട റിയാസ് ബാലതാരത്തിന്റെ പിതാവിനെ വിവരങ്ങൾ അറിയിക്കുകയും കോട്ടയം പൊലീസ് ചീഫിനു പരാതി നൽകുകയുമായിരുന്നു. സംഭവത്തിൽ അന്വേഷണം ആരംഭിച്ച പൊലീസിന് യുവാക്കളുടെ സംഘത്തെ കുറിച്ച് വിവരം ലഭിച്ചതായിട്ടാണ് വിവരം. കുട്ടികളുടെ അശ്ലീല ചിത്രങ്ങൾ അടക്കം ഇത്തരത്തിൽ സോഷ്യൽ മീഡിയയിൽ പ്രചരിപ്പിക്കുന്നതും ഇക്കൂട്ടരുടെ വിനോദമാണ്.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: