പന്നിവളർത്തലിനായി സാധാരണ ജനവാസമില്ലാത്ത മേഖലകളാണ് ആളുകൾ തിരഞ്ഞെടുക്കുന്നത്. വീടുകളുടെ പരിസരത്ത് പോലും പന്നികളെ വളർത്താൻ ആരും തയാറാകാറുമില്ല. രൂക്ഷമായ ദുർഗന്ധമാണ് ഇതിനു കാരണമായി പലരും ചൂണ്ടിക്കാണിക്കുന്നത്. എന്നാൽ സ്വന്തം വീട്ടിനുള്ളിൽ തന്നെ പന്നിയെ വളർത്തി ശ്രദ്ധ നേടുകയാണ് ഇവിടെ ഒരു വീട്ടമ്മ.
സ്കോട്ട്ലാൻഡ് സ്വദേശിനിയായ മൊറാഗ് സാങ്സ്റ്ററാണ് വീടിനുള്ളിൽ പന്നിയെ വളർത്തുന്നത്. ഫ്രാൻസിസ്കോ എന്നു വിളിക്കുന്ന പന്നിയെ ഒരു തണുപ്പുകാലത്ത് വീടിനുള്ളിൽ കയറ്റിയതാണ്. പിന്നെ കക്ഷി പുറത്തിറങ്ങിയിട്ടില്ല. ഫ്രാൻസിസ്കോയെ സ്കോട്ട്ലാൻഡിലുള്ള മറ്റൊരു വീട്ടുകാരുടെ കൈയിൽ നിന്നും ദത്തെടുത്തതാണ്.
ഇപ്പോൾ 130 കിലോയോളം ഭാരമുണ്ട് ഫ്രാൻസിസ്കോയ്ക്ക്. വീടിനുള്ളിൽ ഫ്രാൻസിസ്കോ വൃത്തിയുള്ള ജീവിതമാണ് നയിക്കുന്നതെന്നാണ് മൊറാഗ് പറയുന്നത്. മലമൂത്ര വിസർജനമെല്ലാം പുറത്താണ് നിർവഹിക്കുന്നത്.
പന്നിക്ക് ഉറങ്ങാൻ പ്രത്യേക സൗകര്യങ്ങളാണുള്ളത്. പ്രത്യേക മുറിയും കിടക്കയുമെല്ലാം തയ്യാർ. ഫ്രാൻസിസ്കോയ്ക്ക് വീടിനുള്ളിൽ പൂർണ സ്വാതന്ത്ര്യമാണ്.
ഇടയ്ക്ക് ചില വസ്തുക്കൾ നശിപ്പിക്കുകയും ചില സ്ഥലങ്ങളിൽ സ്ക്രാച്ച് വീഴിക്കുകയും ചെയ്യുകയല്ലാതെ വേറെ ഉപദ്രവും പന്നിയെക്കൊണ്ടില്ലെന്നാണ് ഇവർ പറയുന്നത്. ആദ്യ കാലത്ത് പുറത്ത് മറ്റ് പന്നികൾക്കൊപ്പം ഫ്രാൻസിസ്കോയെ കൊണ്ടാക്കിയെങ്കിലും വൈകാതെ തിരിച്ചുപോരുകയായിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: