കാസര്കോട്: ഗോവയിൽ മരിച്ച നിലയിൽ കണ്ടെത്തിയ കാസർകോട് സ്വദേശിനി അഞ്ജലി ഹരീഷ് ഗോവയിൽ താമസിച്ച മുറിയിൽ നടന്നത് ദുരൂഹമായ സംഭവങ്ങൾ. സംഭവത്തിൽ ഞെട്ടിക്കുന്ന വിവരങ്ങളാണ് പൊലീസ് പുറത്തു വിടുന്നത്. നേരത്തെ അഞ്ജലിയുടെ പോസ്റ്റ്മോർട്ടം റിപ്പോർട്ടിൽ പ്രകൃതി വിരുദ്ധ പീഡനത്തിനുൾപ്പെടെ യുവതി ഇരയായതായി വ്യക്തമായിരുന്നു. ഇതിനു പിന്നാലെയാണ് സംഭവത്തിൽ കൂടുതൽ അന്വേഷണത്തിലേക്ക് കടന്നത്.
മാതാപിതാക്കളുമായി പിണങ്ങി വീടുവിട്ട അഞ്ജലി ഗോവയിൽ സുഹൃത്തുക്കൾക്കൊപ്പമായിരുന്നു താമസം. അഞ്ജലിക്കൊപ്പം ഒരു ആൺ സുഹൃത്തും രണ്ട് പെൺസുഹൃത്തുക്കളുമാണ് കഴിഞ്ഞിരുന്നത്. ഇവരുടെ മുറിയിൽ വേറെയും സുഹൃത്തുക്കൾ വന്നു പോകുന്നതായും പൊലീസിനു വിവരം ലഭിച്ചിട്ടുണ്ട്. അഞ്ജന ഹരീഷ് മരണപ്പെടുന്നതിനു മുന്പ് പ്രകൃതിവിരുദ്ധമായും അല്ലാതെയും നിരന്തരം ലൈംഗികമായി ഉപയോഗിക്കപ്പെട്ടതായി പോസ്റ്റുമോര്ട്ടം റിപ്പോര്ട്ടില് വ്യക്തമാക്കുന്നു. അഞ്ജനയെ കാണാനില്ലെന്ന് കാട്ടി ഫെബ്രുവരിയില് മാതാവ് മിനി ഹോസ്ദുര്ഗ് പൊലീസില് പരാതി നല്കിയിരുന്നു.
അന്ന് ഹോസ്ദുര്ഗ് കോടതിയില് ഹാജരാക്കിയപ്പോള് യുവതി കൂട്ടുകാരുടെ കൂടെ ഇഷ്ടപ്രകാരം പോകുകയായിരുന്നു. പ്രമുഖ സാമൂഹ്യപ്രവര്ത്തകയുടെ മകളോടൊപ്പമായിരുന്നു അഞ്ജന അന്ന് കോടതിയില് നിന്ന് പോയത്. അഞ്ജനയുടെ മരണം ആത്മഹത്യയല്ലെന്നും വ്യക്തമായ ആസൂത്രണത്തോടെ, ലഹരി നല്കി അബോധാവസ്ഥയില് കെട്ടിത്തൂക്കി കൊലപ്പെടുത്തിയതാവാമെന്നാണ് ഫോറന്സിക് വിദഗ്ധര് ചൂണ്ടിക്കാട്ടുന്നത്. രാസപരിശോധനയിലൂടെയും അന്വേഷണത്തിലൂടെയും മാത്രമെ മരണം സംബന്ധിച്ച ദുരൂഹത പുറത്തുകൊണ്ടുവരാനാവൂവെന്നാണ് അധികൃതര് പറയുന്നത്. അഞ്ജനയുടെ മൃതദേഹത്തില് കഴുത്തിനു ചുറ്റും കാല്മുട്ടിലും ചുണ്ടിലും പോറലുകള് ഉണ്ട്. അതേസമയം കാലങ്ങളായി നിരന്തരം അഞ്ജനയെ ലൈംഗികമായി ഉപയോഗിച്ചിരുന്നതിന്റെ തെളിവുകള് പോസ്റ്റ് മോര്ട്ടം റിപ്പോര്ട്ടില് പറയുന്നു. താമസസ്ഥലത്തിനു സമീപത്ത് പത്തുമീറ്റര് അകലെയാണ് പെണ്കുട്ടിയെ കഴുത്തില് കയര് കുരുക്കിയ നിലയില് കണ്ടെത്തിയത്.
അഞ്ജനയെ കാണാതായി മണിക്കൂറുകള് പിന്നിട്ടശേഷമാണ് പത്തുമീറ്റര് അകലെ മൃതദേഹം കണ്ടെത്തിയതെന്നാണ് കൂട്ടുകാര് പറഞ്ഞത്. മരണശേഷം, അഞ്ജനയുടെ മരണത്തില് ദുരൂഹതയുണ്ടെന്ന് കാണിച്ച് അമ്മയും ബന്ധുക്കളും രംഗത്തെത്തിയിരുന്നു. സാഹചര്യത്തെളിവുകള് അതിനെ സാധൂകരിക്കുന്നതായും മൃതദേഹം ഗോവയില് നിന്നു കൊണ്ടുവന്ന ബന്ധുക്കളും ഉറപ്പിക്കുന്നു.
കുണ്ടറ, കോഴിക്കോട്, വടകര എന്നിവിടങ്ങളില് കേന്ദ്രീകരിച്ചു പ്രവര്ത്തിക്കുന്ന സംഘടനകളുമായി യുവതി നേരത്തെ ബന്ധപ്പെട്ടിരുന്നു. വടകരയിലെ സംഘവുമായി തെറ്റിപ്പിരിഞ്ഞാണ് യുവതി ഗോവയില് എത്തിയത്. പിന്നീട് യുവതി ഈ സൗഹൃദം വിട്ട് മറ്റ് ചില സുഹൃത്തുക്കള്ക്കൊപ്പം കൂടിയെന്നാണ് ഇന്റലിജന്സ് നല്കുന്ന വിവരം. വ്യാഴാഴ്ച രാവിലെയാണ് യുവതിയെ മരിച്ച നിലയില് കണ്ടെത്തിയതായാണ് ഗോവ പൊലീസ് ഹൊസ്ദുര്ഗ് പൊലീസിനെ അറിയിച്ചത്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: