ലാഹോർ: ഇന്നലെ പാക്കിസ്താനിലുണ്ടായ വിമാന അപകടത്തിൽ മോഡൽ സാറാ ആബിദും കൊല്ലപ്പെട്ടതായി റിപ്പോർട്ട്. സാറയുടെ സൃഹൃത്തുക്കളാണ് മരണ വാർത്ത പുറത്തു വിട്ടത്. സാറ മരണത്തെ അതിജീവിച്ചെന്ന് ആദ്യം വാർത്ത പരന്നെങ്കിലും അത് സത്യമല്ലെന്നും സാറയും അപകടത്തിൽ മരിച്ചെന്നും സുഹൃത്തുക്കൾ അറിയിച്ചു. ലാഹോറിൽ നിന്നും കറാച്ചിയിലേക്ക് വരികയായിരുന്ന പി.കെ. 8303 വിമാനമാണ് അപകടത്തിൽപെട്ടത്.
മാധ്യമ പ്രവർത്തകനായ സെയ്ൻ ഖാനും സാറയുടെ മരണം സ്ഥിരീകരിച്ച് സോഷ്യൽ മീഡിയയിൽ പോസ്റ്റ് ചെയ്തിട്ടുണ്ട്. ഒരു ബ്രാൻഡിനു വേണ്ടി ഷോ ചെയ്തു കൊണ്ടിരിക്കെ അമ്മാവൻ മരണപ്പെട്ടതിനെ തുടർന്ന് ലാഹോറിൽ പോയി മടങ്ങി വരികയായിരുന്നു സാറ. മരിക്കുന്നതിനു മൂന്ന് ദിവസം മുൻപ് സാറ അവസാനമായി ഇൻസ്റ്റഗ്രാമിൽ പോസ്റ്റ് ചെയ്ത ചിത്രവും സോഷ്യൽ മീഡിയിയൽ പ്രചരിക്കുന്നുണ്ട്. ഉയരെ പറക്കുക എന്ന ക്യാപ്ഷനോടെയായിരുന്നു ചിത്രം പങ്കുവച്ചത്. വാക്കുകളെ അന്വർഥമാക്കുന്നതായിരുന്നു പിന്നീടുണ്ടായത്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: